مجدي عبد الغني: الأفلام الرياضية محتاجة لاعيبة بتعرف تمثل.. وأبطال فيلم الزمهلاوية تمثيلهم ضعيف
أوضح لاعب الأهلي السابق مجدي عبد الغني، رأيه في الأفلام الرياضية، ومنها فيلم الزمهلاوية، مشيرًا إلى أن مثل تلك الأفلام تحتاج للاعبي كرة قدم لديهم موهبة التمثيل.
وقال مجدي عبد الغني خلال لقائه مع القاهرة 24: الحاجة الرياضية محتاجة لاعيبة كورة يعرفوا يمثلوا للأسف معظم اللي مثلوا زي في الزمهلاوية تمثيلهم كان ضعيف شوية، عشان كده التجربة مستمرتش شوية يعني.
وعن مشاركته في فيلم مستر إكس، أردف مجدي عبد الغني: مبسوط بالفيلم، وأحمد فهمي من الممثلين اللي بيحبوا يعملوا أدوار صعبة، ومن الممثلين الجامدين جدًا، وفي الحقيقة أنا بقول إنه فرط في حق نفسه شوية؛ لأنه بياخد وقت عقبال ما بيتخذ قرار إنه يعمل الدور، وبيتأخر في عمل العمل، وده عيب، ولكن ميزة شوية في إنه بينقي أدواره.
أما عن خوضه تجربة التمثيل بعمل من بطولته المطلقة، تابع مجدي عبد الغني: اتعرض عليّا كتير ولكني اترددت لدرجة إني اتفقت على عمل فيلم وقعدنا وبعدين اترددت، مش عارف إني أكون بطل عمل، دي حاجة محتاجة أفكر فيها شوية، ولكن محدش عارف المستقبل فيه إيه.
مجدي عبد الغني في التمثيل
ولم تكن تلك المرة الأولى التي يشارك بها مجدي عبد الغني في عمل فني كضيف شرف، وسبق وظهر خلال أحداث فيلم البدلة مع الفنان تامر حسني عام 2018، وفي مسلسل 2018 مع الفنان أكرم حسني وأحمد أمين، وفيلم الجيل الرابع عام 2015، وفيلم كابتن مصر عام 2015.
