خالد سليم: حياتنا بتتسحب مننا في الشغل.. ومفيش خلافات مع زوجتي الفترة دي
كشف الفنان خالد سليم الصعوبات التي تواجهه في مهنتي الغناء والتمثيل، كما رد على الإشاعات التي تلاحقه في الفترة الأخيرة.
وعلق الفنان خالد سليم على الإشاعات التي طاردته الفترة الماضية التي تخص إنه لديه إبنة ثالثة، قائلًا: نور دي تاني بيبي للعيلة وأول بنت، وهي بنتنتا كلنا، نور مينفعش أقول عليها بنت أختي، وهي السبب إني كنت أتمنى أكون أول خلفتي تبقى بنت، وربنا رزقني بخديجة وكنزي، لما الناس توقفني في الشارع ويتصوروا معايا، بيقفوا جنبي وعايزين يعرفوا ليه بيتصوروا معايا، خيرية مراتي متفهمة، وبيغيروا ساعات من والدتهم.
وتابع خالد سليم: مش بتضايق من الإشاعات وممكن تأثر عليا، وممكن خيرية مراتي تتضايق، وهي عارفة إن أي حد تحت الإضاءة معرضين لتدخل الناس، وديه حاجة ارتضينا بيها، وشغلنا قائم على الإشهار، وبالتالي الناس لما تتكلم بنتقبل، والفترة دي محصلش بيننا خلافات، ممكن خلافات بسيطة.
وعن صعوبات العمل، قال خالد سليم: شغلتنا دي بنقعد لغاية 14 ساعة في مكان شغلنا، أروح أنام ساعة، وأكرر نفس اليوم، وحياتنا بتتسحب مننا، وأصحابنا القريبين بيرموا طوبتنا.
خالد سليم عن تامر حسني
وكشف خالد سليم رأيه في فيلم بحبك لـ الفنان تامر حسني، قائلًا: الاستحواذ على كافة الأدوار وجهة نظر خاطئة، مضيفًا: الجمهور هو من سيحكم على تامر حسني.. والموضوع غلط بطل واحد للعمل خاطئ.
