هل تجوز الصلاة بعد الاغتسال بدون وضوء؟.. أمين الفتوى يجيب
أجاب الشيخ محمد عبدالسميع، أمين الفتوى بدار الإفتاء المصرية، على سؤال هل يجوز الصلاة مباشرة بعد غسل الجسم كله بدون وضوء.
لا يجوز الصلاة بدون وضوء لازم النية
وقال أمين الفتوى بدار الإفتاء المصرية، خلال تصريحات تلفزيونية، اليوم الثلاثاء: لو حضرتك راجع من الشغل والجو حر ودخلت أخذت دش، عشان تلطف جسمك من الحر، فهنا لا يجوز الصلاة بدون وضوء، لازم النية، لأنها هى أساس العبادات.
وتابع: لو عاوز تغتسل وبعدها تصلى لازم يكون فى نية عندك إنك بتغتسل لطهارة الوضوء، طيب لو اغتسلت ونسيت النية يبقى كده لازم تتوضأ الأول قبل الخروج للصلاة.
وعلى جانب آخر، أجاب الشيخ محمد عبدالسميع، أمين الفتوى بدار الإفتاء المصرية، على سؤال سيدة منهارة بالبكاء حزنا على وفاة ابنها الذى لم يبلغ 12 عاما، مفاده هل ابنها يحاسب على هذه السنين؟.
وقال أمين الفتوى بدار الإفتاء المصرية، خلال تصريحات تلفزيونية، اليوم الثلاثاء: أول حاجة لازم تكوني صابرة ومحتسبة، ولازم تقولى كل يوم على السبحة (إنّا لله وإنّا إليهِ رَاجعُون)، من 2000 إلى 3000 مرة كل يوم وربنا يشرح لك صدرك.
وتابع: متخافيش على ابنك هو فى الجنة لأنه لم يبلغ سن البلوغ وبالتالي لا يحاسب، وسيكون شفيعا لكى يوم القيامة.
