مي كساب: والدي كان شايفني خليفة شادية ومكنتش عايزة أكون ممثلة.. واتعلمت الإفيه من عادل إمام
تحدثت الفنانة مي كساب عن بدايتها في مجال التمثيل، وبجانب ذلك كواليس تعاونها مع الفنان عادل إمام ويسرا في فيلم بوبوس، بالإضافة إلى ابتعادها عن الغناء.
وقالت مي كساب في تصريحات تليفزيونية: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.
وأضافت مي كساب: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.
مي كساب: عادل إمام أبو الكوميديا.. ويسرا بتجبر خاطر كل الناس
وعن تعاونها مع عادل إمام ويسرا في فيلم بوبوس، أوضحت مي كساب: عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.
آخر أعمال مي كساب
يعد آخر أعمال مي كساب هو مسلسل جعفر العمدة، والعمل عرض في السباق الرمضاني 2023، وضم عدد كبير من النجوم أبرزهم، محمد رمضان، منة فضالي، إيمان العاصي، هالة صدقي، وعدد آخر من الفنانين.
