سيدة تستغيث بعد تعرضها لـ حادث مروع من قبل مجموعة من الشباب بجسر السويس
استغاثت منال عيسى زوجة بطل الفروسية المصري من ذوي الهمم وائل همام فؤاد، بالقاهرة 24، بعد تعرضها لحادث على الطريق المتجه نحو موقف العاشر بجسر السويس بمحافظة القاهرة.
صور الحادث
سيدة تستغيث بعد تعرضها لحادث مروع
وقالت منال عيسى، في تصريحات لـ القاهرة 24، كنت متجهة من العبور ونازلة على الكوبري متجهة إلى موقف العاشر القديم، وكان في مجموعة شباب جنبي في عربية وشبه بيلعبوا فيها، فجأة خبطوا فيا والعربية رمت مني لـ الناحية اليمين ناحية الرصيف والعربية اتخبطت جامد من عند الباب.
وتابعت منال عيسى: أنا اللي كنت سايقة العربية نظرًا للظروف الصحية التي يمر بها زوجي، واتفاجئت بمجموعة من الشباب يستقلون سيارة ملاكي وكسروا عليا ودفعوني نحو اليمين باتجاه الرصيف.
وأضافت منال عيسى: معايا أطفال في العربية والوقت متأخر ومش عارفة أتصرف، والشباب اللي خبطوني مصرين إنهم يمشوا من غير ما أعمل محضر أو الشرطة تعرف اللي حصل، ولكن أنا صعبان عليا كل جنيه دفعتوا في العربية، وهما مش حاسين باللي عملوه.
