عزة بهاء: معنديش وقت للرجالة ومستحيل أتجوز تاني لأني بقيت منهكة
تحدثت الفنانة عزة بهاء، عن سبب عدم رغبتها في الزواج مرة أخرى، مشيرة إلى أن الرجل مسؤولية كبيرة كما أنها أصبحت منهكة وليس لديها طاقة.
وقالت عزة بهاء في تصريحات لـ القاهرة 24: كده كفاية عليا ورضا ومش هتجوز تاني وأنا ما كرهتش الرجالة، لكن معنديش وقت للراجل لأن ده مسؤولية فوق مسؤولياتي وبقيت منهكة ومعنديش طاقة، والراجل زما بيدي بيكون عاوز ياخد ولازم أكون قادرة أدي.
كما كشفت عزة بهاء، أن حديثها عن اكتشافها زواج زوجها الثالث عليها يوم دفنته، سبب لها مشاكل، قائلة: الموضوع ده عامل ليا مشاكل، وده حد اتوفى اللي حصل حصل وكل بني آدم له ظروفه الله يرحمه محدش عارف كان لازم يكون موجود ويقول أسبابه ومحدش عارف.
وعن أكثر صفة تكرهها في الرجال، قالت: بكره صفة الكدب في الرجالة، وكفاية كدب.
كما كشفت عزة بهاء أنها عانت من بعض الصعوبات في التمثيل، قائلة: ضغط العمل الوقت اللي بستهلكه في الشغل إلى جانب الشائعات اللي بتطلع واللي ملهاش معنى، خاصة أنها في الأول كانت بضايقني.
وكانت عزة بهاء أثارت ضجة بحديثها عن زوجها الثالث، مشيرة إلى أنها علمت بزواجه عليها يوم دفنته، إذ قالت في لقاء تلفزيوني: زوجي التالت اتجوز عليا واكتشفت خيانته وجوازه يوم دفنته.. وقعد معايا سنتين ومات.
