إنجي خطاب تكشف تفاصيل حالتها الصحية: وقعت فجأة والدكاترة شكوا إنها جلطة

كشفت الفنانة إنجي خطاب، تفاصيل حالتها الصحية، بعدما أعلنت تعرضها لوعكة صحية شديدة، نقلت على إثرها إلى المستشفى.

وقالت إنجي خطاب لـ القاهرة 24: نتيجة التحاليل والأشعة هتطلع النهاردة، اللي حصلي إني فجأة وقعت وجالي حاجة زي تنميل في دراعي وحرقان في منطقة الصدر.

وأضافت إنجي خطاب: كلها أعراض قلب، والدكاترة في الأول شكوا إنها جلطة وفجأة وقعت، وقعدت أقاوح 10 دقائق، وأقول ممكن تكون أعراض عابرة، بس مقدرتش ونديت على أختي وكنت دايخة جدًا واتهبدت على الأرض.

واستكملت إنجي خطاب حديثها، راويةً ما حدث لها: حجزوني في المستشفى وعملولي جلسات أوكسجين ومحاليل لأن الحالة اللي كنت فيها نزلت الضغط خالص فبدأوا يدوني حاجات تعمل سيولة في الدم عشان الجلطات متتكونش.

إنجي خطاب: مش قادرة من كتر الشكشكة في دراعاتي

وأوضحت إنجي خطاب: دراعاتي من كتر الشكشة مش قادرة وعملنا تحاليل وإشاعات كتير، ولحد دلوقتي منعرفش ده بسبب إيه لأن كل الإشاعات اللي فاتت بتقول مفيس حاجة، فـ منتظرين نتيجة الإشاعة الدقيقة اللي على الشريان اللي هتطلع النهاردة وهتحدد سبب كل ده إيه.

إنجي خطاب تُعلن تعرضها لوعكة صحية

وكانت أعلنت إنجي خطاب تعرضها لوعكة صحية، من خلال نشرها لصورة لها خلال إجرائها تحاليل في المستشفى، عبر حسابها بموقع إنستجرام، وعلقت: ممكن تدعولي بالشفاء العاجل، الدعاء يغير القدر، بمر بأزمة صحية صعبة وبعمل فحوصات وأشعة وتحاليل على القلب، دعواتكم ليا بالشفاء العاجل اللهم شفاء لا يغادر سقمًا يا رب، الحمد لله على كل حال يا رب.

نقل الفنانة إنجي خطاب إلى المستشفى بعد تعرضها لوعكة صحية