بعد أزمته مع رامي صبري وتامر عاشور.. عمرو مصطفى: بدأت أتكلم مع أشخاص مينفعش يتكلموا معايا
علق المطرب والملحن عمرو مصطفى على أزمته الأخيرة مع المطرب رامي صبري، والمطرب تامر عاشور، مشيرًا إلى أن أهدافه ليست مادية ويبحث عن الحق الأدبي للملحنين والمؤلفين في مصر.
رد عمرو مصطفى على أزمته مع رامي صبري وتامر عاشور
وأكد المطرب عمرو مصطفى، أنه لا يبحث عن أجر مادي من الألحان المسروقة منه، والموضوعة على أغاني رامي صبري وتامر عشور، كما أوضح في تصريحات تلفزيونية، أنه يبحث عن الحق الأدبي، قائلًا: يا يكتبوا لحن عمرو مصطفى يا تتشال من على اليوتيوب خالص، لأنها كدا كدا هتتشال، وأنا أهدافي غير مادية أنا أهدافي أدبية، وحتى لو كتبوا اسمي هتتحذف برضو مش عايزهم يغنوا ألحاني أنا حر.
وأوضح عمرو مصطفى أنه لن يتفاوض مع أحد، وهذا بسبب حقوق المؤلفين والملحنين، مضيفًا: القصة كلها مسألة مبدأ عشان المبدع في يوم من الأيام وأولادهم ميحتاجوش لحد، والموضوع أن الناس الغلابة اللي موجودة في الموسيقى يتعمل لهم حياة كريمة، والهدف هو حقوق الملحين والمؤلفين اللي بيتنازلوا عنها لبعض الشركات.
عمرو مصطفى: بدأت أتكلم مع أشخاص مينفعش يتكلموا معايا
وأشار عمرو مصطفى، إلى أنه تحدث مع أشخاص كان من المفترض عدم التحدث معهم، موضحًا: أنا بدأت أتكلم مع أشخاص المفروض في وقت من الأوقات مينفعش إنهم يتكلموا معايا، دلوقتي بيطلعوا يردوا عليا، ولهم احترام وتقدير، والوسط الفني عارفين كل واحد مكانه فين، وكل واحد يقف في مكانه، مينفعش ناس ملهاش علاقة بالموسيقى يتكلموا عن عمرو مصطفى.
