حنان شوقي: الست المفروض تحمي جوزها وهو يحميها ويبوس رجليها
ردت الفنانة حنان شوقي على السخرية من تصريحها بشأن اهتمام الزوجة بزوجها، مشيرة إلى أن من يسخرون يتمنون أن يعيشوا الحالة نفسها.
حنان شوقي تتحدث عن العلاقة بين الزوج والزوجة
وقالت حنان شوقي لـ القاهرة 24: الست المفروض تحمي جوزها وتبوس رجله وهو يحميها ويبوس إيدها ورجليها، وأنا بقول كلمة حق، واللي بياخدوا بسخرية هما حرين، ده حتى الأجانب بيعملوا كده مع بعض، هو للدرجة دي الكره نسانا الاحترام والحب اللي بجد.
وأضافت حنان شوقي: الناس اللي بتقول إيه الهبل ده نفسهم يعيشوا الحالة دي ومش عارفين، أنا بقول حقيقية في الحياة وأقسم بالله أنا شفت أمي بتعمل كده مع أبويا وأنا عملت كده مع جوزي، والحكاية متبادلة مع بعض الاتنين بيحترموا بعض وبيشلوا بعض.
وأردفت حنان شوقي: ليه الناس مش قادرة تستحمل الحقيقة وجواهم عارفين إني بقول الحقيقة وعزة جلال الله كل الناس عارفة إني بقول الحقيقة، لكن اللي بيتكلموا عاشوا تجارب مريرة من أشخاص مريضة نفسية والزوج يبوس إيد مراته ده بروتكول الراجل مع الست.
واستكملت: إحنا عاوزين ضرب نار يعني، دي حالة حب، ليه الناس مش متقبلة الحقيقة اللي بجد ليه عاوزة تعيش حالة حرب من كتر الكذب والنفاق والرياء، ويتقال يا سلام أحميه لا أضربيه بالنار وهو يضربك بسكينة في قلبك وأول ما بيدخل برف المقشة على دماغه وهو يديكي بالجزمة ده إحنا بقينا مجمتع مهلهل.
