سيدة تكشف تفاصيل معاناتها مع ابنها صاحب المرض الغامض بإمبابة
ابني بيموت بالبطيء.. بهذه الكلمات الأليمة الحزينة مصطحبة دموع الحزن تحدثت الحاجة سناء ابنة منطقة إمبابة بالجيزة عن مرض ابنها المصاب بفيروس نادر في الكبد.
الشاب الصاب يدعى محمد ويبلغ من العمر 23 عاما، وليس هو المصاب فقط، ولكن شقيقا آخر له مصاب أيضا، لكن بفيروس آخر، لتتفاقم مأساة الأم.
المعاناة مع الابن الأصغر
رَوت الحاجه سناء والدة الشاب محمد خلال حوارها مع القاهرة 24 رحلة معاناتها مع ابنها صاحب المرض الغامض بفيروس بالكبد: مش عارفة أعالج ابني واتفاجأت بمرضه وجاتلي صدمة بعد ما عرفت وتأكدت من حقيقة مرضه مكنش بيشتكي من أي أمراض ودايما بيشتغل ويتحرك، وحاليا مش قادر يتحرك بسبب الفيروس.. ساعدوني ابني بيروح مني ومش بيدي أعمله حاجة.
وتابعت: أولادي الـ 2 مصابين، محمد 23 سنة وأخوه الأكبر محمود 29 سنة مصاب بـ فيروس آخر، لكن مش بقوة تأثير أخوه، نفسي ولادي يتعالجو ويخفوا أنا مليش غيرهم بعد ربنا.
وأضافت: من بعد وفاة والدهم وانا بعاني وبشتغل في البيوت عشان أوفرلهم لقمة ومصاريف نعيش بيها، محمد كان بيساعدني وبيشتغل على توك توك، بالإضافة لأكتر من شغلانة سواء في شيل رملة أو رفع طوب مكنش مخليني محتاجة حاجة، ومن بعد مرضه جاتلي اضطرابات بتأتأة في اللسان وتلعثم.
وناشدت الحاجة سناء المسئولين بوزارة الصحة، لمساعدتها بعلاج نجلها من الفيروس.
