أبرز تصريحات محمد هنيدي التلفزيونية: بنتي مسئولة عن شركتي.. وتصريحات إني بتعاطي مخدرات عجيبة
حل الفنان محمد هنيدي، ضيفًا على أحد البرامج التليفزيونية، وتحدث خلال الحلقة عن عدة موضوعات، أبرزها علاقته بالفنان الراحل علاء ولي الدين، والفنان علاء مرسي، كما كشف رغبته موقفه من التحاق ابنته بمجال التمثيل.
وجائت أبرز تصريحات محمد هنيدي خلال الحلقة على النحو التالي:
-وفاة علاء ولي الدين أثر عليّ نفسيًا ومعيطتش في أول 3 شهور.
-علاء مرسي أكتر شخص عصبي ومتهور.
-علاء ولي الدين كان بيتواصل معايا كل يوم عشان يتطمن عليّ وافتقدته جدا تحديدًا في أول سنة من وفاته.
-كان لا يصح إن منشور سقوط لوحة إعلانات كوبري أكتوبر يستمر وحذفته بعد ما اتأكدت إن في حالات إصابات بسببه.
-هشارك في إنتاج فيلم مهم لـ حمادة هلال وفي جلسات حاليًا بين المخرج والفنانين.
-آخر فيلم حضرته في السينما كان العرض الخاص لـ فيلمي الإنس والنمس ومشوفتش أي عمل من سنة تقريبا.
-تصريحات المخرج جمال عبد الحميد إني بتعاطى مخدرات حاجة عجيبة أوي وإحنا مش ناس صغيرين وفاضيين علشان نرد على بعض.
-رحمة أحمد طلعت في سنة وطوب الأرض حبها وشكر فيها وهي كوميدية من الطراز الجميل.
-الهجوم على رحمة أحمد كان شديد ولو أفورت تظبط نفسها ونناقش الموضوع بهدوء ولو ما أفورتش خلاص.
محمد هنيدي يكشف موقفه من التحاق ابنته بمجال التمثيل
-مفيش حد من ولادي غاوي تمثيل بس لو بنتي قالتلي عايزة تمثل رد فعلي هيكون حسب لحظتها.
-بنتي هي المسئولة حاليًا عن شركة الإنتاج الخاصة بيا ولو أنا موافقتش إنها تمثل هيكون عشان المهنة شاقة.
