محمد أنور: أحمد فهمي جامل ناس كتير.. واستغليت اسمه
أعرب الفنان محمد أنور عن سعادته الشديدة بالتعاون مع الفنان أحمد فهمي في فيلم مستر إكس، الذي تم عرضه في موسم أفلام عيد الأضحى 2023.
وقال محمد أنور خلال لقائه في برنامج الحكاية للإعلامي عمرو أديب: أحمد فهمي جامل ناس كتير، أي حد مهما كان اسمه، أحمد فهمي بيجامله، والفيلم عجبنا علشان الفيلم مبنى على ضيوف الشرف، ومن أيام أفلام عادل إمام مشوفناش أعمال مبنية على النظرية ديه.
وتابع محمد أنور: دلوقتي سهل جدًا في أفلام يقعد في السينما 3 أيام ويتعرض في المنصات، واستغليت أحمد فهمي علشان أوصل الناس.
محمد أنور: فيلم البعبع أعلى إيرادات دلوقتي في الخليج
وكان تحدث الفنان محمد أنور عن النجاح الكبير الذي حققه فيلمه البعبع في الخليج، خلال تصريحات إذاعية إذ قال:فيلم البعبع أعلى إيرادات دلوقتي في الخليج متفوق على الأفلام الأجنبي، والناس في الشارع الموضوع متشاف هناك بشكل كبير وبالذات السعودية بسبب الجالية العربية، وردود الأفعال عظيمة الصراحة.
وعن كواليس الفيلم، قال محمد أنور أنا اللي تعبت في آخر مشهد بفيلم البعبع والفيلم قفل عليا وظهرت بجبس كامل، أنا اتبهدلت أوي في الفيلم ده وبحب الشغل والمهم إني أعمل اللي يرضيني ويرضي ضميري المخرج خده في الفيلم أو لأ دي بتاعته، أنا قعدت 8 ساعات في جبس بجد، وجابوا جبس بلدي ودهنوني به لأن الجبس العادي بيتكسر من الشمس.
