محمد الصباحي: حقوق الحكام في مصر مُهدرة.. ونطالب بإنشاء رابطة منفصلة للحكام
أوضح الحكم محمد الصباحي أن حقوق الحكام مهدورة في مصر وهذا ساهم في تراجع التحكيم، وطالب بإنشاء رابطة منفصلة للحكام في مصر.
محمد الصباحي: حقوق الحكام في مصر مهدورة
وقال محمد الصباحي في تصريحات تلفزيونية: حقوق الحكام ليست مستحقات مالية فقط، ولكن لا بد من علاج الحكم وتلقيه العلاج المناسب والمميز، وكذلك الحقوق في حمايته.
وأضاف: الناس دايما شايفة المشكلة في الحكام، وإن الحكام موجهين، لكن مفيش الكلام ده، العلاقات الشخصية ملهاش علاقة بالملعب.
محمد الصباحي: نطالب بإنشاء رابطة منفصلة للحكام بعيدة عن اتحاد الكرة
وواصل: حكام الدرجات الأقل ظروفهم مش أحسن حاجة، والناس دي بتبقى محتاجة أوي، ومعندهمش شغل غير التحكيم، ولازم في مصر المسؤولين تكافئ الحكم الكويس، لكن إحنا مطلوب مننا نبقى كويسين ومنلاقيش كلمة شكر.
وأردف الصباحي: لا بد من عمل اتحاد أو رابطة للحكام وتكون منفصلة تماما عن اتحاد الكرة وتتم إدارتها عن طريق رئيس لجنة حكام ويتم تعيينه بالانتخاب أو أي شيء آخر.
وتابع: هيبقى وقتها عندي ميزانية منفصلة وجدولي هبقى عارفه والموضوع هيكون مُنظم وهيبقى في لائحة واضحة للحكام، وبنلبس لبس الرعاة ومش بنستفيد منه حاجة، لازم يبقى ليا نصيب من حق الرعاة.
