كان بيعتبرني زي ابنه.. اعترافات صادمة من المتهم بخطف سمير ريان صاحب معارض السيارات بالتحقيقات | خاص
كشف المتهم في واقعة خطف رجل الأعمال سمير ريان، ويعمل عامل نظافة بمعرض سمير ريان، يدعى أحمد ف ع، تفاصيل جديدة في الواقعة، واعترف بتدبير حيلة جهنمية لخطف وسرقة صاحب معارض السيارات سمير ريان.
اعترافات المتهم بخطف سمير ريان
وينشر القاهرة 24 نص التحقيقات في قضية خطف رجل الأعمال، سمير ريان، والتعدي عليه، في القضية التي حملت رقم 5203 لسنة 2023 جنح منشأة ناصر رقم حصر 372 لسنة 2023.
واستهل المتهم بخطف سمير ريان رجل الأعمال وحوت السيارات أقواله في التحقيقات بتوضيح خطة خطف سمير ريان قائلا: اللي حصل أنا شغال مع الحاج سمير من 2016 عامل نظافة بالمعرض بتاعة اللي في المقاولون العرب، وبعدين اتفتح معرض في العاشر من رمضان فرحت من سنتين كده وكان جه اللي اسمه مراد ده اللي ممسوك برة معايا كان جاي يشتري عربية وعرفته من هناك وخدت رقمه ودخلته للبياع العربيات وكان معاه محمد جمال ساعتها ومحمد جمال من بلد جنبنا أصلا في المنيا، وأنا كنت أعرفه علشان كان شغال في المعرض قبل كده معانا في العاشر وبعدين مشي وبقى بيشتغل بالقطعة يجيب زبون للمعرض وياخد مثلا 50 أو 100 جنيه، ومراد خلیل اشترى العربية ومشي هو محمد جمال.
التحقيقات في قضية سمير ريان
وأضاف المتهم بخطف سمير ريان رجل الأعمال: وبعدين كان الحاج فتح معرض تاني في الشيخ زايد من سنة كده وبعدين روحت اشتغلت فيه فترة تقريبا 6 شهور، وكان فيه واحد شغال مع الحاج سمير وكان ربنا فتحها عليه وفتح معرض عربيات صغيرة فكان قالي لو جه حد معرض سمير ريان ومعجبوش السعر هاته على المعرض وليك عمولة قولتله ماشي، وفعلا عملت کده والحاج سمير عرف وبعدين مشاني من الشغل وقالي تعالى اخر الشهر واقعد من الشغل، وجيت أول الشهر الجديد ادالي 1000 جنيه، وقالي اقعد في البيت ومرتبك ماشي زي ما هوا بس مش هتنزل الشغل دلوقتي.
وأكمل المتهم بخطف وسرقة رجل الأعمال سمير ريان، وبعدين كان شهر رمضان دخل علينا روحت أنا قبل رمضان 5 أو 6 أيام كلمت مراد وقولتله عايز شغل فقالي تعالى اشتغل معايا في شق التعبان في الأوتوستراد في ورشة خشب واشتغلت معاه 12 يوم تقريبا من يوم واحد رمضان لحد يوم 12 رمضان، وبعدين فتح معايا موضوع انه عايز يسرق الحاج سمير وانا كنت محتاج فلوس علشان كنت خطبت وقالي لو رجعت الشغل مع الحاج سمير اعرفلي تحركاته كلها وشوف بيروح فين وييجي منين وبيروح امتى بليل وبيقعد في أنهي فرع بتاع المقاولين ولا المقطم ولا في اللي في العاشر ولا الشيخ زايد فا قولتله الحاج قعدته كلها في فرع المقاولين العرب بتاع المنشية فقالي طيب لو رجعت وانت كده كده الحاج بيحبك وهيرجعك وبيثق فيك تكلمني تعرفني كل حاجة أول بأول قولتله ماشي.
واقعة خطف سمير ريان
وواصل المتهم بخطف وسرقة حوت السيارات سمير ريان اعترافاته قائلا: مراد قالي أنا هعمل عملیه کده وأجهز ناس وهنخطف الحاج سمير ونطلب فيه مبلغ محترم والفلوس اللي هنطلع بيها منه هتتقسم علينا بالنص ولو جبت حد تاني ساعدني في خطفه هضحك عليهم بأي مبلغ صغير وقولتله ماشي، وبعدین کلمت أحمد ابن الحاج سمير وقولتله عايز أرجع الشغل علشان قلبتها في دماغي بعد ما مراد كلمني وقولت أحاول أرجع الشغل علشان المصلحة اللي هيعملها مراد خلیل، وبعدين روحت لأستاذ أحمد وقالي اللي انت عملته ده وقالي انت عارف انك غلطان واحنا بنحبك وحلال عليك الفلوس اللي طلعلتك من البيعة دي وقالي انزل الشغل من يوم 15 رمضان ونزلت يوم 15 رمضان وفي العيد مراد خليل أصلا ساكن في بلد جنبي في المنيا وكان جه فرح في العيد في البلد بتاعتنا وعرف مني اني رجعت الشغل مع الحاج سمير.
وأقر المتهم بخطف سمير ريان تاجر السيارات: مراد قالي عايزين بقى ننفذ العملية ونسرق الحاج سمير فقولتله حاضر أعمل إيه طيب قالي تراقب كل تحركاته أول بأول وتعرفلي كل حاجة عنه وبيروح فين وبيجي منيني وبيروح امتى من الشغل قولتله ماشي، والحاج مكنش شافني لحد بعد العيد، بعدين الحاج قالي مين نزلك قولتله أستاذ أحمد وشغلني عامل نظافة في الشارع قدام المعرض وشوية الحمامات وشوية أمسح العربيات، وبعدين مراد خليل كان بيكلمني كل شوية على الموبايل وساعات أنا بكلمه وبقوله على تحركات الحاج كلها.
خطف وسرقة رجل الأعمال سمير ريان
واعترف المتهم بخطف سمير ريان رجل الأعمال أمام رجال التحقيق قائلا: بعدين جه يوم اللي حصل في خطف الحاج سمير لقيت مرادر العصر وقالي احنا هنفذ انهاردة واتفقت مع كذا واحد بس أول ما الحاج ينزل كلمني على طول فقولتله ماشي وبعدين المغرب كده لقيت الحاج سمير الحاج كلمني قالي تعالى يا علي اطلع الشقة روق الشقة وكل لقمة معايا هتلاقيك ما كلتش حاجة هو كان بيعتبرني اني زي ابنه والشقة دي في نفس العمارة اللي فيها المعرض وبيقعد فيها دايما لحد ما ييجي ماشي مروح أو عنده مشوار والشقة دي في الدور الأول بتاع المعرض وبعدين جينا وبعدين طلعتله كلت معاه ونضفت الشقة ونزلت اكمل شغل تحت تاني.
وأكمل المتهم بسرقة وخطف سمير ريان حوت السيارات: والحاج كان كلمني أول مرة المغرب كده وطلعلته كلت معاه أنا وحسن ونضفت الشقة ونزلت بليل بس مكنتش كملت تنضيف، نزلت كملت شغل تحت لقيت حد نازل وبيجهز عربية للحاج ففهمت إن الحاج هيمشي دلوقتي وبعدين الحاج سمير نزل بعدها ب 10 دقایق ولقيت العربية النيسان قاشقاي الزرقاء بره متجهزة والحاج مشي وأنا طلعت الشقة ثاني أكمل تنضيف وروحت مکلم مراد قولتله الحاج سمير لسة نازل من المعرض اللي في المقاولين وطلع بعربية نيسان قاشقاي زرقاء، فمراد رد عليا قالي ماشي ماشي خلاص اقفل انت، وقفلت معاه وبعدها كملت تنضيف الشقة وكلمت مراد تاني على الساعة 1:30 بليل لقيت موبايله مقفول فا روحت شقتي انا طلعت على شقتي قاعد فيها عمال معايا تاني عمارة جنب المعرض عمارة 8 وعمارة اللي قاعد فيها الحاج بتاعة المعرض رقمها 10 مرنتش على مراد تاني ونمت.
اعترافات المتهم بخطف وسرقة رجل الأعمال سمير ريان
وواصل المتهم بخطف رجل الأعمال سمير ريان: وتاني يوم نزلت الشغل لقيت الحاج سمير مجاش ولقيت المشرف اللي بيشرف علينا قالي روح المغسلة اغسل العربيات اللي هناك هي تبع المعرض ومكلمتش أي حد يومها وفكرت اتصل بمراد لحد ما اليوم خلص وروحت الشقة نمت، وتالت يوم لقيت مراد كلمني العصر تاني وسألني على الحاج سمير جه ولا مجاش قولتله الأول احكيلي ايه اللي حصل قالي مفيش روحنا مشينا وراه وحاولنا نجيبه بالعربية بس معرفناش نمسكه وجري بالعربية مننا، وقالي لو في أي جديد عرفني لو شوفته في المعرض وكده عرفني قولتله متكلمينش تاني وقفلت في وشه لحد ما في نفس اليوم كنت رايح لأختي في الدويقة علشان ابن عمي متجوز أختي وهو بيشتغل سواق للمدام بتاعة الحاج بقاله 4 سنين تقريبا بس هو ميعرفش أي حاجة وغلبان في حاله وأصلا مش شغال مع الحاج هو بيسوق للمدام بتاعة الحاج، وبعدين وأنا في الدويقة 12:30 بعد ما رجعت من عند أختي لقيت 3 واقفين في المعرض بيسألوا عليا فروحتلهم وخدوني في توك توك على قسم المنشية.
واختتم المتهم بخطف سمير ريان، وبعدين ركبوني في عربية تويوتا من القسم لحد مايو في سجن طره ولقيت بقى مراد والناس اللي معايا بره كلهم هناك ومحمد جمال مكنش موجود وبعدين لقيت رئيس المباحث سألنا ايه اللي حصل حكتله كل حاجة بدخل الباقي سألهم وبعدين رجعونا على القسم تاني وده كل اللي حصل.
