أيمن عزب: بروح الساحل 9 شهور في السنة.. واللي حصل في العلمين الجديدة إنجاز كبير
أعرب الفنان أيمن عزب، عن إعجابه الشديد بما شهدته مدينة العلمين الجديدة، من تطورات وجعلتها تفرض نفسها على الساحة العربية، بجانب فعاليات مهرجان العلمين الجديدة الذي عمل على جذب أكبر عدد من السياح خلال الفترة الماضية.
وقال أيمن عزب، في لقائه مع القاهرة 24: أنا من حظي الطيب أن من أول بلدوزر حفر فيها أنا كنت شاهد عليه، ودائبت أنا ومراتي أننا نعدي ونشوف، وأنا باجي الساحل طول عمري 9 شهور في السنة، وشايف كل اللي بيحصل، واللي حصل في العلمين إنجاز كبير جدًا يشكر عليه صاحب الفكرة وكل من قدم جهد وأصلح فيها أمن وأمان واستقرار.
وتابع: بعض المغرضين اللي مبيحبوناش ومبيحبوش بلدنا بيقول بص حصل إيه، لأ شوف أنت حصل إيه في الصعيد والدلتا والعين السخنة والقطر السريع اللي هيربط كل ده علشان المواصلات أسهل لكل فئات المجتمع، يعني أنا بحلم لما القطر السريع ده يركب أجي من بيتي لغاية هنا بالقطر السريع بدل العربية.
مهرجان العلمين الجديدة
ويضم مهرجان العلمين، 12 نشاطًا ما بين الرياضي والترفيهي، ومن بينهم عرض أزياء عالمي يضم أفضل 10 مصممي أزياء في الوطن العربي، بطولة لكرة القدم الشاطئية، ويشارك بها أكثر من 40 نجم في مختلف المجالات، حفلات لفنانين محليين وعرب ودوليين، بطولة ترياثلون سباق ثلاثي، عروض للطائرات RC، بطولة للتجديف، بطولة بادل عالمية دولية، بطولة لكرة القدم الشاطئية، وغيرهم من النشاطات.
