محرم فؤاد ضربني بسبب مكالمتي لحبي القديم ومنعني من العمل في الغول.. أبرز تصريحات عايدة رياض ببرنامج الستات
حلت الفنانة عايدة رياض، ضيفةً على الإعلاميتين سهير جودة، ومفيدة شيحة، ببرنامج الستات، المذاع عبر قناة النهار، وكشفت خلال الحلقة، أسرارًا عن علاقتها بزوجها السابق والراحل، الفنان محرم فؤاد، إضافة إلى الحديث في عدة موضوعات أخرى.
ونستعرض في السطور التالية أبرز تصريحات عايدة رياض ببرنامج الستات
-كنت أتمنى أرقص شرقي وأنا متمكنة منه وهو مش عيب لكن كنت هدخل في خلافات مع عائلتي.
-صعب أشرح أحاسيسي وقت إصابتي بالسرطان في 2015 واتخضيت وما أعلنتش إلا بعد 3 سنين.
-كنت عايشة في حالة رعب لكن ربنا بيدي البلاء سكينة ونسيان وقناعة.
-طول الوقت موجود جوايا إن فيه ربنا لكن لما تدخلي في محن بتتقربي أكتر لربنا.
-المرض عرفني إن مفيش أي حاجة في الحياة تستاهل وركزت مع نفسي ولما تعبت مبقتش محتاجة لحد.
-حبي الأول كان شوقي نعيم زميلي في فرقة رضا وبعدين حبيت نجم من فرقة الزمالك.
-اتجوزت محرم فؤاد كيدًا في لاعب زمالك كبير كنت بحبه.
-مخلفتش من محرم فؤاد بسبب إرادة ربنا مش قصد مني أنا وحبيته بعد 6 شهور من الزواج بسبب حبه وحنانه.
عايدة رياض: محرم فؤاد منعني من التمثيل 10 سنين
-اتطلقت منه بعد 5 سنين جواز ورجعنا ثم اتطلقت تاني.
-سبب الطلاق الأول إن جاله مسرحية وقولت له رأيي فيها قالي إيش فهمك إنتي في الفن فحسيتها إهانة.
-محرم فؤاد ضربني ضرب مبرح وجامد في فترة الخطوبة لما سمع مكالمة بيني وبين لاعب الزمالك اللي كنت بحبه.
-لولا وجود ناس سلكت بينا كان محرم قتلني بضربه وبليغ حمدي وخالد الأمير قالوا له أنت مجنون دي ممكن تسجنك.
-أختى هدى اتجوزت حسن شحاتة وهي عندها 18 سنة.
-محرم فؤاد منعني من التمثيل عشر سنين.
-جالي فيلم الغول مع عادل إمام وبعتلي الورق لحد البيت ومقابلتش الراجل محرم مشّاه على طول.
