محمد رمضان من القاهرة للدراما: لو جعفر العمدة مكنش نجح مكناش هنفكر في جزء ثاني
حرص الفنان محمد رمضان على حضور النسخة الثانية من مهرجان القاهرة للدراما، المقام الآن في مدينة العلمين الجديدة.
وقال الفنان محمد رمضان في تصريحات تليفزيونية: العلمين سبب وجودي النهارده، وكل الجوائز اللي خدتها اعتذرت عن استلامها، وعايز أجي اتبسط بالعلمين، ومبسوط بالمدينة أكتر من المهرجان، ومش مصدق الكلام ده أتعمل أمتى، وفخور بوجود هذه المدينة على أرض مصرية.
وعن الجزء الثاني من مسلسل جعفر العمدة، قال محمد رمضان: والله أكيد لو مكنش نجح مش هنفكر في جزء ثاني، وكان في دماغنا، واللي شجعنا نجاح المشروع، وإن هو لمس الجمهور بشكل كبير، وحقق نجاح على المستوى العربي، نجاح مبسوط بيه جدًا، والسر في النجاح ما توفيقي إلا بالله، بنجهتد ونخلص في الشغل، ونخاطب عقول الناس، وهما يصدقونا.
وأضاف محمد رمضان: أنا قولت أكتر من مرة إني بتابع الجمهور زي ما بيتابعني، وبحاول أشوف اللي عاجبهم وإيه اللي مش عاجبهم، والحفاظ عليهم شيء مش سهل، وكل سنة الجمهور بيختلف وفكره بيختلف، وطول الوقت بنتطور معاه، وأكيد طبعًا من أول يوم وأنا حاسس بالمسئولية، ولمست إن ربنا إداني نجاح يؤثر في الناس، وربنا يقدرني على تحمل هذه المسؤولية
صناع مسلسل جعفر العمدة في مهرجان القاهرة للدراما
وحضر صناع مسلسل جعفر العمدة في مهرجان القاهرة للدراما المقام في مدينة العلمين الجديدة ومنهم، محمد رمضان، هالة صدقي، محمد سامي، وغيرهم.
