إيناس الدغيدي تكشف رأيها في المثلية الجنسية: مع إعطاء الحرية للآخر |فيديو
كشفت المخرجة إيناس الدغيدي، رأيها في المثلية الجنسية، مشيرة إلى أن هذا الموضوع لا يمكن الاتفاق عليه ولكنها مع إعطاء الحرية للآخر أما التصرف بالنسبة لها مرفوض.
وقالت إيناس الدغيدي في لقائها مع القاهرة 24 خلال حفل مهرجان القاهرة للدراما بدورته الثانية: ده موضوع فعلا محدش هيتفق عليه، ومفيش ناس متفقة على إن المثلية لازم تكون موجودة وهو دايما فيه اختلاف وهيفضل فيه اختلاف أبد الأبدين، وفيه ناس بتاخده من الناحية الفكرية من ناحية إقبال الآخر وفيه ناس مش قابلة الآخر في الحتة دي ومش هتقدري تعممي القصة ولا يمكن نعممها.
وأضافت إيناس الدغيدي: رأيي كفكر وإني أدي حرية للآخر أوك، ولكن كتصرف ليا أنا لأ.. ولكن ماليش دعوة بالآخر هو حر، وما أقدرش أصادر على واحد كده وأقول له ما تعملش ده.. لا أعمله براحتك مش مستني رأيي.
إيناس الدغيدي تكشف رأيها في الدراما
وعلى جانب آخر، كشفت إيناس الدغيدي رأيها في الدراما التليفزيونية السنوات الأخيرة قائلة: الدراما فيها مشكلة في الكتابة، على الرغم من أن الممثلين والمخرجين كويسين، والدراما تراجعت بسبب دورة رأس المال لأن المنتجين بيستغلوها وبيخلوها قصيرة ومش عاوزين يشتغلوا من زمان وبيرستقوا الموضوع قبل رمضان بشهرين ويزنقوا المخرج والممثلين وبالتالي الكواليتي مش كويس.
