من إنتي وش الخير لـ ربنا ينتقم منك.. تفاصيل علاقة أحمد سعد وعلياء بسيوني قبل الطلاق
أعلنت مصممة الأزياء علياء بسيوني طلاقها من المطرب أحمد سعد بعد زواج لمدة عامين، وذلك بعد عقد قرانهما يوم 21 أغسطس 2021 وتم الطلاق اليوم 29 أغسطس 2023، بعدما أثمر زواجهما عن طفلتين علياء ومريم، وولدت الأخيرة قبل شهر واحد فقط.
اللحظات السعيدة.. بداية علاقة أحمد سعد بعلياء بسيوني
ظل أحمد سعد في حياة العزوبية بعد انفصاله عن الفنانة سمية الخشاب حتى عام 2021، إذ قال المطرب في تصريحات تليفزيونية سابقة، إنه قابل علياء بسيوني في أحد النوادي الرياضية وبدأت بينهما علاقة صداقة ومن بعدها تزوجا، وكان الأمر مفاجأة كبيرة للجمهور ورواد مواقع التواصل الاجتماعي واقتصر الزواج على حضور الأسرة فقط وسط أجواء من الحب والرومانسية.
وأثناء فترة زواجهما، طرح أحمد سعد أغنية بعنوان عليكي عيون، وأكد أنه كان على خلاف مع زوجته علياء بسيوني؛ وبسبب هذه الأغنية انتهت الخلافات، قائلًا: مراتي اتبسطت من أغنية عليكي عيون وأنا سمعتها ليها وإحنا مش بنكلم بعض؛ وبسبب الأغنية كلمنا بعض وعرفت إنها مؤشر حلو جدًا؛ لأن اللي بيطلع من القلب واللي بيكون حقيقي بيوصل للناس كل ما نتخانق مع بعض ببعت لها الأغنية دي.
أبناء أحمد سعد من علياء بسيوني
وأنجب أحمد سعد من علياء بسيوني، ابنتين الأولى أطلق عليها علياء نسبةَ لاسم زوجته والثانية مريم، وقال حينها: سميت بنتي على اسم مراتي؛ لأن كان نفسها تسميها باسمها ووافقت منعًا للمشاكل في البيت.
أحمد سعد عن زيجاته: أهم ما في الزوجة إنها تهتم بنفسها
وسبق وتحدث أحمد سعد عن تجربة زواجه للمرة الرابعة، حيث قال في تصريحات تليفزيونية: من خلال تجربة زواجي 4 مرات، شايف إن قمة النضج إنك تختار زوجة بتهتم بنفسها مش بتهتم بيك أكتر شيء وبتحب نفسها أوي علشان لما تحب نفسها أكتر حاجة تقدر تحبك، مش تقول إنها بتحبني أكتر حد في الدنيا لأ تكون بتحب نفسها وتهتم بنفسها، ويكون عندها كيان وبتحب كيانها لأنها لو بتحب كيانها هتقدر تحب كيانك ولو فاقدة أي شيء في حبها لنفسها مش هتحبك أكتر حاجة.
سبق وأعرب الفنان أحمد سعد عن سعادته بـ اختياره علياء بسيوني زوجه له، إذ قال خلال وجوده في برنامج صاحبة السعادة على شاشة قناة DMC: زوجتي صاحبة طفرة مهمة في حياتي وأنا مستسلم دائمًا لأفكارها لأنها شخصية قوية وزكية ومقدرش أخطو أي خطوة بدونها.
لترد عليه زوجته علياء بسيوني قائلة: بحب أشوف أحمد سعد ناجح ودائمًا بكون معجبة بأعماله، وعلاقتنا اتحولت من أصدقاء لقصة حب كبيرة.
ربنا ينتقم منك.. علياء بسيوني تعلن طلاقها من أحمد سعد
تفاجئ الجمهور بإعلان مصممة الأزياء علياء بسيوني طلاقها من أحمد سعد بناءَ على رغبة الأخير، إذ نشرت عبر حسابها على إنستجرام في خاصية ستوري: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابه أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.
وأضافت علياء بسيوني: وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك.
