أحمد أمين: الكوميديا وسيلة لتفكيك المجتمع.. وهذا مصير الجزء الثاني من مسلسل الصفارة 2
تحدث الفنان أحمد أمين عن قصة حبه وزواجه، وعن نجاح مسلسل الصفارة في السباق الرمضاني 2023، ورأيه في الكوميديا وتأثيرها على الجمهور.
قصة حب أحمد أمين
وقال أحمد أمين خلال لقائه مع الإعلامي محمود سعد في برنامج sold out، الذي يُعرض على منصة Watch IT: اتعرفت على مراتي في مجلة باسم وهي كانت شغالة ملونة، وكانت مؤمنة بيا وبنجاحي، وسابت الشغل عشان خاطر الجواز.
وعن مسلسل الصفارة وتحضيراته، قال المخرج علاء إسماعيل: صورنا المسلسل في 36 يوم، وكنا بنصور 16 ساعة في اليوم أقل حاجة.
أحمد أمين: الكوميديا وسيلة لتفكيك المجتمع.. وأنا مع ورش الكتابة
وعن رأيه في الكوميديا وتأثيرها على الجمهور، أردف أحمد أمين: الكوميديا مش بتحل المشاكل، ولكن بتخلي الناس يكون عندها صبر وأمل، والكوميديا وسيلة لتفكيك المجتمع بمعني إنها بتفك المشكلة وبتحلها، لإن الناس بتنفر من الرسالة المباشرة.
وحول وجود جزء ثانٍ من مسلسل الصفارة، أوضح أمين: لسه مش عارفين هيكون فيه جزء تاني من مسلسل الصفارة ولا لأ، لإن العمل حقق نجاح كبير جدًا، وكان في دماغنا يكون فيه موسم تاني، ولكن فكرنا إننا محتاجين فكرة أقوى.
أما عن رأيه في ورش الكتابة، قال أحمد أمين: أنا مع ورش الكتابة جدًا ومش ضد فكرة الكاتب الواحد، وأنا شخصية خجولة جدًا والناس بتستغرب من ده، ولكن أنا بحب أقرأ كتير كتب وأقعد مع نفسي.
