نور إيهاب: نور بدر مش بيغير عليّ في مجال شغلي.. وخطيبها: إحنا مش فاضيين نتخانق
كشفت الفنانة الشابة نور إيهاب أن خطيبها الفنان نور بدر، متفهم لفكرة عملها بالوسط الفني، ويقدر ظروف عملها بشكل كبير، إذ أكدت أنه خطيبها لا يغير عليها من زملائها بالوسط، في أي عمل تشارك فيه، كما أكد بدر أنهما ينشغلان بالمشاركة في العديد من الأعمال الفنية، وليس لديهما وقتًا للخلاف.
وقالت نور إيهاب في تصريحات تلفزيونية لها: أولًا الغيرة موجودة جدًا، وأنا معنديش مشكلة خالص مع الغيرة، لأن أنا أصلًا بحبه يغير عليّ، ثاني حاجة مش بيغير عليّ في مجال الشغل، هو فاهم كويس جدًا في الميديا، وعارف إن ده شغلنا وعادي، بس بيغير عليا في الحاجات اللي لازم يغير عليّ فيهل كراجل، أوقات بيبقى في نوع من الغيرة الزيادة.
كما علق نور بدر، على تصريحات خطيبته، قائلًا: نور عايزاني أكون ناجح في شغلي، وأنا كمان بحبلها النجاح، فبندعم بعض، وأكيد في غيرة، لكن لها مستوى معين، إحنا مش فاضيين نتخانق.
أما بالنسبة لـ التشابه في اسمائهما، قال بدر: صدفة بحتة، كمان أنا عندي أخ اسمه كريم وهي كذلك، وأول مرة اشتعلنا فيها مع بعض، المخرج كان عنده مشكلة معانا إحنا الاتنين بسبب تشابه الأسماء.
جدير بالذكر، أن نور إيهاب ونور بدر عاشا قصة حب في مسلسل إلا أنا، الذي قدموه مع الفنانة وفاء عامر، وأروى جودة، وحنان مطاوع، شيرين عادل، درة، ريهام عبد الغفور، وهو من إخراج محمد أسامة وتأليف يسري الفخراني.
