نجل محمد ثروت يحتفل بعيد ميلاد والده: جيه دورنا إننا نخدمك |صور
احتفل المخرج أحمد ثروت بعيد ميلاد والده المطرب محمد ثروت، معبرًا عن مدى حبه له وممتنا بتعليمه وتربيته له هو وشقيقته على القيم والمبادئ، مشيرًا إلى أنه أول عيد ميلاد لا يكون بجانب والده.
وكتب أحمد ثروت عبر حسابه بموقع التواصل الاجتماعي فيس بوك: أول عيد ميلاد ليك ماكونش جنبك يا أستاذ، بس إن شاء الله الصعب عدى وفرج ربنا قريب ونرجع نتجمع كلنا.. وكل سنة وأنت عظيم وأحلى وأجدع وأطيب أب وصاحب وأخ كبير وربنا يخليك لينا ويكرمك على كل المجهود اللي بتعمله معانا.
وأضاف أحمد ثروت: جيه دورنا إننا إحنا اللي نخدمك وكل ما أكبر بعرف قد إيه أنت عظيم في قيمك وأصولك اللي علمتهالنا وربيتنا عليها أنا وداليا، في سيرتك الطيبة اللي بتشرف وتفتح ألف باب وقلبك الطيب ولو في سبب إننا نجحنا أو تميزنا أو حد بيحبنا أو بيحترمنا فده عشان أنت أبونا، كل سنة وأنت طيب يا عظيم.
أحمد ثروت يستكمل علاجه
ويستكمل أحمد ثروت علاجه في ألمانيا حيث يعاني من متلازمة ميلر فيشر، وسبق أن شارك متابعيه مقطع فيديو، ظهر فيه متأثرا بعد استطاعته الوقوف على قدمه بعد 160 يومًا من مرضه وذلك عبر حسابه بموقع انستجرام، حيث كتب حينها: بفضل دعواتكم انهاردة بعد 160 يومًا صراع مع متلازمة ميلر فيشر، أول يوم أنجح إني أقف تاني على رجلي بعد عشرات الأسابيع ومئات المحاولات.
