أبرز تصريحات منى زكي التلفزيونية: بعتذر لبنتي وشغلتنا صعبة بالذات إحباطها
حلت الفنانة منى زكي ضيفةً على أحد البرامج التلفزيونية، متحدثةَ عن العديد من الجوانب في حياتها الشخصية وعلاقتها بزوجها الفنان أحمد حلمي وابنتها، وحياتها الفنية ونجاحها خلال الفترة الماضية.
أبرز تصريحات منى زكي
- الأحاسيس اللي بتيجي بسبب الشغل لما يجيلك اكتئاب بعد فشل حاجة أو كده مهم أوي الطرف الآخر يسندك بس في نفس الوقت مهم متأڤوريش في الإحساس وتفخمية وتحاولي تعدي الإحساس ده.
-لازم تعرفي إن أهم حاجة هي العيلة وهي اللي باقية دول الناس الحقيقية اللي باقينلك وهيفضلوا معاكي وده دائمًا بيوقفني.
-المهم إني مأڤورش في اكتئابي ونجاحي والعكس صحيح هو زوجي كمان لإن هو أكيد بيمر بنفس الحجات دي وبيمر بأحاسيس كتيره، مهم المسانده حتي لو الشغل راح إنتي عندك حاجة أقوي ومستمرة.
-بعتذر لبنتي عن سخافتي معاها؛ لأني كنت شديدة معاها أكتر من أخواتها الولاد؛ لأنها كانت أول بنت ليا وأنا صغيرة في السن وكنت شايفة إن الصح صح وكل حاجة بنظام وعقاب بعتذرلها طول الوقت.
-اتعلمت إن مفيش حاجة اسمها عقاب هي عواقب أفعالك ولازم طول الوقت تفكريهم بالعواقب مش بالعقاب.
-أنا بتعصب لأن كلنا بنتعصب إحنا بني آدمين برضو، بتعصب بس برجع اعتذرلهم.
-شغلتنا صعبة جدًا بالذات إحباطها وحش جدًا ونجاحها حلو بزيادة، النجاحات عندنا بتبقى قوية جدًا وأنتي لو مش شخص عاقل وعندك إحساس ازاي تبقي ثابتة مهما حصل من مغريات وأضواء هتتجنن.
