نزل عليه بكبشة اللودر مرتين.. ننشر أقوال أحد شهود العيان في قضية دهس مهندس التجمع| خاص
يواصل القاهرة 24 نشر التحقيقات في واقعة دهس المهندس فايد بلودر داخل موقع تحت الإنشاء بمنطقة التجمع، وكشف أحد شهود العيان أن المتهم ارتكب الجريمة بكبشة اللودر ودهسه مرتين.
أقوال أحد شهود العيان في قضية دهس مهندس التجمع
وأمام جهات التحقيق قال يونس فرج عبد الستار أحد شهود العيان على الواقعة: اللي حصل إن أنا كنت شغال وسمعت صويت بره فخرجت في البلكونة أشوف فيه أيه لقيت لودر وواحد واقع قدامه على الأرض وبعد كده لقيت اللودر رجع ورا وراح طالع قدام ونزل بكبشة اللودر على الراجل اللي واقع على الأرض حوالى مرتين ونزلت جرى من العمارة اللي أنا شغال فيها لقيته كان بيرجع باللودر ورا ولقيت السواق طلع على رفرف اللودر ولما نزلت لقيت الناس ملمومة وهو ده کل اللي حصل.
س: متى وأين حدث ذلك؟
ج: الكلام ده حصل حوالي الساعة 11:20 الصبح في الموقع.
م: من كان برفقتك ؟
ج: كان معايا واحد اسمه حسام منشاوي.
س: هل أبصر سالف الذكر واقعة وفاة المجني عليه فادي نبيل ميخائيل؟
ج: أيوه.
س: ما مناسبة وجودكما بالمكان والزمان سالفي الذكر؟
ج: أنا شغال في الموقع.
س: ما هي طبيعة عملك في الموقع سالف الذكر؟
ج: أنا شغال كهربائي.
س: ما هي كيفية مباشرة عملك بالموقع محل الواقعة؟
ج: أنا بشطب الكهربة الخاصة بالشقق اللي في العماير.
س: وأين تحديدا يوجد مكان عملك بذلك الموقع؟
ج: جوه الشقق اللي في العماير اللي قدام مكان الواقعة.
س: هل كان يوجد المتهم مع شخص آخر بمسرح الواقعة حال حدوثها؟
ج: أنا لما خرجت وشفت اللي حصل لقيت واحد واقف جنب اللودر وعمال يصرخ ويقوله حرام عليك.
س: من تحديدا ذلك الشخص الذي كان يفعل ذلك؟
ج: أنا معرفش اسمه بس هو موجود معانا برة.
س: صف لنا مسرح الواقعة؟
ج: هو كان قدام عمارة تحت الإنشاء وقدام العمارة أرض رملية وبعد كده حمام السباحة تحت الإنشاء وقدام حمام السباحة عماير تحت الإنشاء وعلى يمين حمام السباحة عماير ثانية.
س: متى علمت بالواقعة؟
ج: لما سمعت صوت زعيق.
س: ومن أي الأماكن صدر ذلك الصوت؟
ج: أنا كنت جوه شقة في عمارة وسمعت صوت الزعيق بره العمارة.
س: ما الذي صغى إلى مسمعك تحديدا آنذاك؟
ج: أنا سمعت واحد بيزعق ويبقول حرام عليك.
س: ما التصرف الذي قمت به؟
ج: أنا بصيت من بلكونة الشقة اللي كنت شغال فيها.
س: وفي أي طابق كنت موجود؟
ج: في الدور الثاني.
س: ما الذي أبصرته تحديدا حال نظرك من شرفة العقار محل عملك؟
ج: أنا شوفت لودر سايقه واحد بيرجع لورا وشخص مرمى قدامه على الأرض وراح طالع قدام ونزل بكبشة اللودر على الراجل اللي واقع على الأرض حوالي مرتين.
