سب أمه واتخانق معاها وحلف على مراته متخدمهاش.. داعية بالأوقاف ترد
أجابت الدكتورة نيفين مختار، الداعية بوزارة الأوقاف، على سؤال ورد إليها من إحدى المتابعات وروت قصة عقوق رجل لأمه، وقالت: سب أمه، واتخانق معاها وحلف على مراته أنها متخدمهاش.
وقالت الدكتورة نيفين مختار، الداعية بوزارة الأوقاف: سب أمه، وطلعها ورماها في الشارع، وعاوزين يكون في حياته بركة، أو ربنا يفتحله حتى أبواب الرزق.
وأضافت خلال تصريحات تلفزيونية: وأمه التي هي مصدر حياته، وطريقه للجنة، والتي وصى عليها الله سبحانه وتعالى، ورسول الله صلى الله عليه وسلم بدل المرة ثلاث مرات، فأولادك هيعاملوك نفس المعاملة فكما تدين تدان.
عقوبة عقوق الوالدين
وأكدت نيفين: أبشر والله العظيم أبشر فوالله ليعاملك أولادك كما عاملت والدتك بالضبط، فكما تدين دان، ودعوة الأم كفاية لما تترمي في الشارع، وأوعى تقوليلي إن الأم مش هتدعي على ابنها، وتقوليلي قلب الأم، ومش هيقدرقلب الأم، إذا كان هو قدر وعمل فيها كده، وهتيجي في يوم وتقول حسبي الله ونعم الوكيل فيه، وعمره ما هيكسب.
واستنكرت: وعمره ماهيكسب، وأبقوا وروني هيكسب ازاي اللي بيخالف أمه، وبيخرج عن المنهج، والتعاليم اللي ربنا أمرنا بيها، وبيسبها، ويشتمها، وبيمد إيده على أمه يضربها.
واختتمت: وجالي النهاردة مكالمة هاتفية من واحدة ست جوزها حالف عليها بالطلاق إنها متخدمش أمه ولا تعملها حاجة، ولا تطبخلها، وإلا تبقى طالق، فقالتلي أنا عاوزه أعرف الحكم؛ لأن أنا اللي عاوزه أخدمها، فشوفي قسوة القلوب وصلت لفين.
