المتهمة بإنهاء حياة صديقتها بطنطا: صاحب الشقة حطها داخل شيكارة وأنا خدتها في توك توك ورميتها بمصرف
أدلت المتهمة بقتل صديقتها فرح في القضية المعروفة إعلاميًا بـ طالبة طنطا باعترفات تفصيلية حول كيفية ارتكاب الجريمة وتقطيع جثة المجني عليها نصفين بمساعدة صاحب الشقة ويدعى بيشوي ويعمل صاحب محل ملابس.
كما اعترفت المتهمة أمام جهات التحقيق، بحيلة شيطانية ابتكرها صاحب الشقة المتهم الثاني للتخلص من طالبة طنطا وإخفاء معالم الجريمة
ويواصل القاهرة 24 نشر تحقيقات قضية طالبة طنطا فرح المقتولة على يد صديقتها، بعد أن اعترفت المتهمة بارتكاب الواقعة بالاشتراك مع صاحب الشقة مسرح الجريمة.
تفاصيل التخلص من الجثة
وقالت المتهمة في اعترافاتها بالتحقيقات: بعد أسبوع من ارتكاب الجريمة لقيت بيشوى بيتصل بيا وقالي تعالي علي المحل بتاعي، فأنا روحتله فقالي هتلاقي شيكارة على السطح في البيت اللي فيه فرح وقالي خدي معاكي حبال وروحي على الساعة 4 أو 4 ونص وانقلى الشيكارة دي وفيها (فرح) لأي حتة، فقلتله أنت لسة متصرفتش فيها أو كلمت الحكومة، قالي لاء وخدي توك توك معاكي، فقلتله أقول لسواق التوك توك إيه، فقالي قوليله أي حاجة.
جثة في ملاية
واستكملت المتهمة بقتل فرح طالبة طنطا: فعلا روحت بيتي في الجلاء ونزلت بالليل وقفت توك توك بالصدفة وقلتله وديني سبرباي فوداني عند البيت اللي فيه فرح وبعدين قلتله نص ساعة وتعالى نفس المكان وأنا طلعت على السطوح ملايات مربوطة في الجثة ومتلبس فيها نص شيكارة وكانت الريحة وحشة وكانت فيها سائل حوالين الجثة.
الجثة فيها حاجات مخلوعة
وأردفت: أنا ماحاولتش أفك الملاية عشان الريحة وحشة، بس أنا عارفة إن فرح فيها وكانت في شيكارة كبيرة تانية حطيتها فيها زي ما بيشوى قالي، وجرجرتها لتحت وأنا بشدها لقيت فيها حاجة مخلوعة في الشيكارة ونزلتها تحت وكان بتاع التوك توك جه، وبعدين هو جالي وشدها مني عند المدخل لأنها كانت تقيلة، وأنا كانت أعصابي سايبة مني.
كلب ميت
وأردفت المتهمة بقتل طالبة طنطا: سائق التوك توك سألنى إيه اللي فى الشيكارة قولتله بطاطس معفنة وكلب ميت زي مابيشوي قالي، وركبنا التوك توك والشيكارة معايا وقلت لسواق التوك توك وديني في أي مكان أرمي الشيكارة زي مابيشوى قالي، فخدنى مكان كدة كان فية زبالة على اليمين وسائق التوك توك نزل شد الشيكارة ورماها في المصرف.
