ريم طارق طليقة حسن شاكوش: رفض يرجعلي 400 ألف جنيه.. ولبس هدومي وقالي انتصرت عليكي
كشفت ريم طارق تفاصيل أزمتها مع طليقها حسن شاكوش، بعدما أعلن كلا منهما انتهاء الخلافات بينهما، حيث أكدت أنه لم يفِ يوعده واتفاقه بإعطائها حقوقها القانونية.
وأوضحت ريم طارق خلال حوار تليفزيوني، أن البعض من أهل الخير حاول التدخل لإنهاء الخلاف بينها وبين طليقها حسن شاكوش وإعادة حقها لها، بشرط أن تخرج في فيديو وتعلن انتهاء الخلافات واستعادة حقوقها، وكذلك الأمر بالنسبة لحسن شاكوش، حيث اشترط عليه أن يعتذر لريم وأسرتها عن أي إساءة.
وأشارت ريم طارق، إلى أنها طالبت باستعادة أشيائها الخاصة من الفيلا وملابسها، وكذلك حقوقها القانونية وهي عبارة عن المؤخر 400 ألف جنيه والقايمة 200 ألف جنيه والذهب بـ 100 ألف جنيه بإجمالي 700 ألف جنيه، لافتة إلى أن حسن شاكوش اعترض على المبلغ وأصر على دفع 400 ألف جنيه فقط وهي وافقت على ذلك.
وقالت ريم طارق: كنت مستاءة جدا إني مش عارفة آخد هدومي، لأني مشيت من البيت من خمس شهور وما خدتش حاجتي، وعملت تمكين علشان أعرف آخد حاجتي ما عرفتش، وما كانش فارق معايا حقوقي القانونية ولكن كل اللي كان فارق معايا حاجتي الشخصية.
وأوضحت ريم طارق: أهل الخير توسطوا وحاولوا يحلوا الخلاف، وفي البداية قالوا لي أني غلطت وأني شهرت بيه ولازم اعتذر في فيديو، قلت لهم لا أنا لما اطلقت قلت إن الطرف التاني عنده مشكلة ومش هرجع في أي كلمة لأني عندي الأدلة وأسباب الطلاق الرئيسية مش هتراجع فيها، وأي أسباب مش هتكلم عنها أو إنها ما حصلتش لأنها حصلت.
وواصلت ريم طارق: قالوا ليا لازم تقولي إنه محترم في الفيديو، قلت هقول محترم على أساس ده رماني بعد 55 يوم جواز وبعد 4 أيام من الجواز قال لي مش عاوزها وقال لطرف تالت يقول إني مريضة، وأصريت إني هقول خدت حاجتي فقط.
وأضافت أنهم توصلوا في نهاية الأمر إلى تقديم اعتذار له وتأكيد أنها تسلمت كامل حقوقها، مشيرة إلى أنها ذهبت للفيلا وأخذت أشيائها الخاصة من هناك بعد كثير من المهاترات من قبل حسن شاكوش وفي نهاية الأمر تفاجأت أن حسن نشر الفيديو دون أن تحصل على حقوقها المالية.
حسن شاكوش كان لابس بيجامتي وقال لي أنا انتصرت عليكي
واستكملت: حسن شاكوش في الفيديو اللي نزلوا بيعلن فيه انتهاء الخلاف بينا كان بيتسفزني ولابس بيجامتي وبعت لي رسالة أنه انتصر وقال ليا محدش هيصدقك تاني، لكن محدش بينتصر على ولية وكلي يقين إن حقي هاخده منه واللعبة اللي عملها من يومين هتترد ليه، لأنه ما التزمش بالاتفاق وما أدنيش حقوقي القانونية اللي اتفقنا عليها.
