غالية بنعلي عن انتقادات شكل شعرها: خلقة ربنا أغيّر فيها ليه؟.. والغنا بالنسبة لي شفاء وصلاة
تحدثت الفنانة التونسية غالية بنعلي عن الانتقادات التي تتعرض لها، وعن الغناء بالنسبة لها، موضحة: الغنا بالنسبالي صلاة وشفاء.
وقالت غالية بنعلي خلال حوارها مع القاهرة 24: بتيجي الناس متعرفنيش تنتقدني وتقولي شعرك عامل كده ليه؟، فردي عليهم دي خلقة ربنا أغير فيها ليه، وكنت الأول برد ومن باب الاحترام إني أرد.. وفي مرات كتير رديت على ناس بقوا صحابي.
وعن أهمية الغناء بالنسبة لها، أضافت غالية بنعلي: الغنا بالنسبالي صلاة وشفا.. أنا لما بغني بكون فرحانة قوي، وكل لحظة بغني فيها حتى لو مطلعتش صوت بحس إني بغني جوايا.. وبحس علطول براحة وحاجة بتطبطب عليا، ولما بغني حاجة بتدخل روحي على طول، والغنا بالنسبالي هو شفاء وصلاة.
وعن رأيها في دار الأوبرا وقلة حفلاتها في مصر، أضافت غالية بنعلي: مفيش غير الأوبرا ممكن تساعدني أجيب مشاريعي الجميلة والراقية وفيها حاجات قوية، ومش سهل حفلة تتعمل في مصر لأسباب كتير منها السفر والحفلات بتكون أسعارها غالية بزيادة، وبحاول أكون دايما موجودة في مصر عشان أشوف صحابي.
آخر حفلات غالية بنعلي
وأحيت غالية بنعلي حفلًا ضمن حفلات الدورة 31 من مهرجان القلعة الدولي للمسرح والغناء، بمشاركة فرقتها، والموسيقار هشام خرما.
وقدمت غالية العديد من الأغاني التي تفاعل معها الجمهور بشكل ملحوظ، ومن أبرز الأغاني التي غنتها هي يا مسافر وحدك، وهتخيش، وغيرهم من الأغاني.
