داليا البحيري عن واقعة طارق الشناوي ومصطفى قمر: مينفعش يكون ناقد ويستخدم أسلوب الجمهور ورا شاشة التليفون
أعربت الفنانة داليا البحيري، عن سعادتها بنجاح فيلم أولاد حريم كريم، مؤكدة أن جميع عناصر العمل قادته للنجاح، بجانب حديثها عن أزمة الفنان مصطفى قمر بطل العمل، والناقد طارق الشناوي.
وقالت داليا البحيري خلال تصريحات تليفزيونية: مفيش حاجة اسمها ضامن نجاح ولكن فيه شركة إنتاج ومخرج وممثلين كبار وليهم أساميهم ومعانا كل عناصر العمل، وكل العناصر دي تقولك الفيلم يطلع حلو، ولما تكون العناصر ناجحة طبيعي يطلع العمل ناجح، ومش أي مخرج يعمل كوميدي، وأستاذ علي إدريس دمه خفيف.
أما عن أزمة الفنان مصطفى قمر والناقد الفني طارق الشناوي، الذي وصف قمر بالفاشل وأن فيلم أولاد حريم كريم لا يواكب العصر ولا يمت للذوق السينمائي الحالي بصلة، قالت داليا البحيري: اللي يحكمنا المهنية في الكتابة، وغير كده هيبقى فيه تجريح وشخصنة، ولازم أنقد بالعلم وأكون دارس الفن اللي هنتقده بدون تجريح، مينفعش أهمش الناس وتاريخ أرميه في الزبالة، ومينفعش ليه متقالش برافو أولاد حريم كريم لإنه جيل بيسلم جيل، ليه منسقفش للفيلم؟.
فيلم أولاد حريم كريم
ويعتبر فيلم أولا حريم كريم، آخر أعمال الفنانة داليا البحيري، وهو من بطولة مصطفى قمر، بسمة، بشرى، علا غانم، خالد سرحان، عمرو عبد الجليل، رنا رئيس، تيام قمر، وغيرهم من الفنانين، والعمل من إخراج علي إدريس، وتأليف زينب عزيز.
