السيسي: خربوا الدنيا في 2011 وبعدها لا عرفوا يجيبوا بنزين ولا قمح ويقولوا مؤمراة.. المؤامرة جهلك
قال الرئيس عبد الفتاح السيسي، رئيس الجمهورية، إن الدولة المصرية واجهت العديد من التحديات منذ عام 2011 حتى الآن.
وذكر السيسي خلال مؤتمر حكاية وطن بالعاصمة الإدارية: فيه ناس تقولك يلا تخرب ونهدها على صحابها، ما هو لما نهدها على صحابها مش هتعرف تعمل حاجة فيها، ولما عملت كده في 2011 كنت لايص ولا عارف تجيب بنزين ولا عارف تجيب قمح، وكنت بتقول مؤامرة.
حكاية وطن
وتابع: المؤامرة جهلك وتخلفك، واسمعوا أنا دايمًا أستفيد من القعدات دي عشان أقول للناس في الشارع مش المثقفين، يهمني إن الإنسان في الشارع شايف إن عيني عليه.
ووصل صباح اليوم السبت، الرئيس عبد الفتاح السيسي رئيس الجمهورية، إلى مقر انعقاد مؤتمر حكاية وطن، والمنعقد الآن بالعاصمة الإدارية الجديدة.
كما حرص رئيس الجمهورية، على الترحيب بحضور مؤتمر حكاية وطن، بقوله: بنرحب بكم جميعًا، وسعداء بوجودكم، النهاردة وبكرة وبعده، إن شاء الله هنحكي حكاية بلدنا، وكان فيه حوار وطني أطلقناه السنة اللي فاتت عشان نسمع لبعض.
وقال السيسي أثناء دخوله قاعة احتفالية حكاية وطن المنعقد بالعاصمة الإدارية الجديدة: النهاردة إحنا هنحكيلكم الحكاية بتاعة مصر من 2011 لحد النهاردة، عشان تعرفوا وأكيد أنتم عارفين ومتابعين، بس إحنا هنقول من منظور الدولة.
وقال الرئيس عبد الفتاح السيسي، إن الدولة المصرية واجهت العديد من التحديات منذ عام 2011 حتى الآن، مضيفا: لازم تعرفوا يعني إيه دولة وكانت بتواجه تحديدات كبيرة، التحديات دي كانت كفيلة إنها تنهي دول زي ما أنهت دول لغاية دلوقتي موقفتش على حالها.
