عمرو أديب: متقصوش حتة وتقول الرئيس بيقول ترامادول.. وبيان الوطنية للانتخابات كشف إن فيه مشاكل
قال الإعلامي عمرو أديب إن الفترة المقلة تحتاج إلى تغيير في السياسيات تتوائم مع الظروف الحالية، معلقا: مصر مش بلد عقيمة وفيه ناس عايزة تخدم بلدها برقبتها.. ولا مناص ولا طريق إلا بمواجهة الأزمة الحالية.
عمرو أديب: مصر لا بد أن تتقدم
وأضاف عمرو أديب خلال تقديمه برنامج الحكاية، أن مصر لا بد أن تتقدم فمصر دولة وليست أفراد، متابعا: اللعنة الفرعونية المصرية انك تيجي تهد اللي فات وترجع تبني من جديد.
وأكمل: أنا مش بطبل للرئيس ولا بدافع عنه لأن عنده مليون محطة.. سي إن إن بتقول إن الرئيس قال ممكن أهد مصر بشريط ترامادول.. وهو يقصد أي حد يستغل بؤس الناس وعناءهم.. البلد تغرق لذلك لازم نأمن الناس اللي كانت عايشة في الصفيح.. متقصوش حتة وتقول بيقول ترامادول وعنده توليفة هد البلد.. والناس تنزل تحرق البلد.
وتابع عمرو أديب: الدولة مسئولة ووزارة العدل مسئولة.. وبيان الوطنية للانتخابات قال فيه مشاكل.. وأرجوكم وأتوسل إليكم هذا الأمر غير مطلوب.. خلوا اللى عايز يعمل توكيل يعمل.. وهو مرشح وحيد اللى عايز توكيلات والباقي هيخش بالتزكيات.
