مكنتش احلم أن يكون معايا فلوس وكنت بهرب من الخروجات عشان المنيو بالإنجليزي.. أبرز تصريحات أحمد حلمي التليفزيونية
تحدث الفنان أحمد حلمي عن الشهرة ورأيه فيها وعن علاقته بالفلوس، وعن علاقته بزوجته الفنانة منى زكي، قائلا: أنا ومنى قصة مجنونة بكل تفاصيلها.
أبرز تصريحات أحمد حلمي التليفزيونية
ـ عمري ما كنت أحلم أن يكون معايا فلوس.. وكل الشغلانات اللي اشتغلتها كنت بحبها.
ـ ربنا أداني فلوس، ولكن مش هي المهمة في حياتي.. والزواج حياة أخرى.
ـ قصتي أنا ومنى قصة مجنونة بكل تفاصيلها.. عندها كمية كبيرة من الصدق في وسط مجتمع مجامل.
ـ الست سند كبير ومهم جدًا.. ومنى سند حقيقي وهي تمثل البلورة اللي عايش فيها وبشوف نفسي من خلالها.
ـ أبويا مات وملحقتش أشبع منه وليه فضل كبير في صفاتي.. وملحقتش أخطف من وقت أبويا كتير.
ـ كنت زمان بهرب من خروجات عشان منيو الأكل كان بالإنجليزي.
ـ لما عملت برنامج الأطفال حسيت أني بعرف أعمل حاجة.
ـ اللي معندوش حاجة مميز فيها لازم يكون عنده الرضا.
ـ المتنمر هو الأضعف دائمًا.. والإنسان مخلوق عشان يبقى مفيد ويعمل حاجة.
آخر أعمال أحمد حلمي
يعد آخر أعمال أحمد حلمي فيلم واحد تاني، وعرض الفيلم في عيد الفطر لعام 2022، وحقق العمل نجاحًا كبيرًا، وضم عددا كبيرا من النجوم أبرزهم: أحمد مالك، روبي، سيد رجب، نور إيهاب، وعدد آخر من الفنانين، وهو من تأليف هيثم دبور وإخراج محمد شاكر خضير.
