المطرب مسلم يتحدث عن دخوله عالم التمثيل: كنت مترددا وخايف ومش بحب الخسارة
كشف المطرب مسلم عن تفاصيل دخوله مجال التمثيل، حيث يشارك في فيلم درويلة إلى جانب خوضه تجربة التمثيل لأول مرة في فيلم ما بعد الجنون الذي لم يعرض حتى الآن، مشيرًا إلى أنه كان مترددًا في قبول دوره في الفيلم، بجانب حديثه عن تفاصيل أعماله المقبلة.
وتحدث الفنان مسلم عن دخوله مجال التمثيل خلال لقائه مع القاهرة 24 إذ قال: كان الموضوع في بالي بس كنت متردد أو خايف شوية لأني مش بحب أدخل في شيء من غير ما أكون ملم بأبعاده ومبحبش أجرب لأن التجربة بيكون فيها شيء كبير جدًا من الخسارة وأنا مبحبش أخسر.
وأردف مسلم: في أكتر تجربة اتعرضت عليا بس أنا مكنتش مهيئ نفسيًا إني أدي للموضوع وقته ولما اتعرض عليا أول فيلم وهو ما بعد الجنون كان قريب جدًا مني وكانت الشخصية نفسها مركبة، وهي شخصية عندها بعض الأمراض النفسية وهو كان دور تقيل بس شدني ده اللي خلاني أخد أول تجربة وأتمنى إنها لما تنزل تعجب الناس.
وقال مسلم عند سؤاله على صعوبة التمثيل بالنسبة له: التمثيل مش حاجة صعبة ومش عادية هي حاجة جديدة ومختلفة لإنها بعيدة كل البعد عن صناعتنا، ولكن التجربتين اللي دخلتهم لحد دلوقتي مش صعبين وأنا لحد دلوقتي مبسوط.
مسلم يكشف أعماله الغنائية الفترة المقبلة
وعن أعماله في الفترة المقبلة، قال: أحضر لألبومي الجديد ويا رب يعجب الناس ومكون من 15 أغنية أطرح أول أغنية منه يوم 10 أكتوبر.
