انتي تافهة أوي وأنت صغير أوي.. تفاصيل واقعة صفع لقاء سويدان لـ ميدو عادل
كشف المخرج أشرف عزب تفاصيل واقعة صفع لقاء سويدان وميدو عادل، في آخر ليلة عرض من مسرحية سيد درويش على مسرح سيد درويش بمنطقة الهرم.
تفاصيل واقعة صفع لقاء سويدان وميدو عادل
وقال أشرف عزب خلال تصريحات خاصة لـ القاهرة 24: الواقعة حصلت يوم السبت آخر ليلة عرض، كانت لقاء جايبة مستشار من النيابة الإدارية في صالة العرض، وملتزمة جدًا ومش بتخرج عن النص، رغم إنها كل يوم كانت بتخرج عن النص، وكل يوم بتقول كلام في المداري على المسرح عشان ينفعل عليها، وكل ده احنا راصدينه ومش بنتكلم فيه.
وأردف مخرج مسرحية سيد درويش: الواقعة حصلت قدامي أنا بس، وقفلنا الستارة على صوت لقاء سويدان، هي كانت المفروض تدخل قبل ميدو لتحية الجمهور، ولكن كانت عايزة تدخل من المكان اللي المفروض يدخل منه ميدو، وجالي ميدو قالي أستاذ أشرف خليها تدخل من مكانها، وأنا لسه متكلمتش معاها ولا قولتلها حاجة، راحت قالتله أنت قليل أوي وصغير أوي، ورد عليها ميدو قالها وانتي تافهة أوي، ومن ثم تبادلا الاشتباك لفظيا، وضربته بعدها بالقلم مرتين، وهذه شهادة لله سبحانه وتعالى.
وتابع المخرج أشرف عزب: والأمن هما اللي كانوا ماسكينها من إيدها عشان بيحوشوا.
تعليق مخرج مسرحية سيد درويش على التسريب الصوتي لـ ميدو عادل
كما علق المخرج أشرف عزب على التسريب الصوتي لـ ميدو عادل الذي انفعل خلاله، موضحًا أنه كان منفعلًا بسبب مسئولي قاعة عرض سيد درويش في منطقة الهرم، وكان في كواليس المسرح وليس بالبروفات وليس أيضًا أمام الجمهور.
