بسمة وهبة تأخذ رأي الجمهور في حديثها بالعبرية: فيه كارثة هقولها النهارده وأجري على الله
أعلنت الإعلامية بسمة وهبة، أنها ستكشف لجمهورها كارثة بشأن إسرائيل في حلقة اليوم من برنامجها 90 دقيقة عبر شاشة المحور، وأخذت رأيهم حول حديثها بالعبرية أم بالمصرية.
وقالت بسمة وهبة في استوري عبر حسابها بموقع انستجرام: فيه مصيبة هعلن عنها النهارده في برنامجي 90 دقيقة وكارثة سودا هطلع أقولها وأجري على الله، أقولها بالعبري علشان يعرفوا إننا كشفناهم ولا مصري وإحنا بس اللي نسمعها.
في سياق آخر، علقت بسمة وهبة على الانتقادات والسخرية التي تعرضت لها مؤخرًا بعد حديثها باللغة العبرية في برنامجها، وتوجيها رسالة إلى إسرائيل، إذ كتبت في ستوري عبر حسابها بموقع انستجرام: أنا مصرية ولغتي عربية، معرفش عبري، حاولت أتكلم عبري زي الناس اللي بتفك الخط في الإنجليزي، أنا بفك الخط في العبري.
بسمة وهبة ترد على انتقادات جمهورها
وأضافت بسمة وهبة مستنكرة من انتقادات وسخرية مستخدمي مواقع التواصل الاجتماعي: إيه اللي مضايقكم، ما كل واحد يبص في ورقته، اللي غيران مننا يعمل زينا، أنا وصلت لكل المنصات اللي في إسرائيل، مضايقين من كده عشان كده عاملين لجان سخافة، مشوفتش أكتر من كدة سخافة وحقد وغيره، موتوا بغيظكم، فاضيين أوي ورايقين أوي، ونسينا أهلنا في فلسطين، بجد فاضيين وحقودين ومنفسنين، حاولوا تركزوا في مذابح غزة بدل ما تركزوا في لغتى، وأنها لازم تكون متقنة، لا بجد شاطرين أنتوا أوي أجندة رسمي بس طظ فيكم وهستمر ولا يفرق.
