أحمد ماهر: هتطوع في الجيش وقت الحرب وإلا أكون مش مسلم
قال الفنان أحمد ماهر، إنه يرفض تهجير الفلسطينيين من غزة والجرائم الذي تحدث يوميًا على يد الكيان الصهيوني، مشيرًا إلي أنه سيكون أول شخص يتطوع في الجيش إذا تطلب الأمر حرب.
وأضاف أحمد ماهر خلال تصريح لـ القاهرة 24، لن نسمح بتهجير الفلسطينيين من غزة مهما حصل، وإحنا دفعنا دمنا وشبابنا راحوا مننا عشان يدافعوا على سيناء فمش ممكن النهاردة نتخلى عن أرضنا.
وعن جرائم الجيش الإسرائيلي، أوضح أحمد ماهر: مشاهد صور أطفال غزة والجرائم اللي بتحصل مش جديدة على إسرائيل، وأفعالهم اللي بيعملوها في حق الشعب الفلسطيني نوع من أنواع التكبر بتاع الكفرة اللي ربنا قال عليهم كتب عليهم الذلة والمسكنة وربنا غضبان عليهم.
وحول رأيه إذا دخلت مصر في حرب، رد أحمد ماهر: لو الموضوع وصل للحرب هكون أول واحد يطوع في الجيش دون تفكير وإلا أكون مش مسلم، وأنا حضرت حرب 73 وشوفت أجواء الحرب ومتعود عليها.
أحمد ماهر يهاجم تصريحات محمد رمضان
وعلى جانب آخر، هاجم أحمد ماهر، تصريحات الفنان محمد رمضان، بشأن دعوته للدول العربية برفع سلاحها وشن الحرب على إسرائيل لإنقاذ أهالي غزة، حيث قال ماهر في تصريح لـ القاهرة 24: محمد رمضان لا يمثل الوسط الفني وكل واحد مسؤول على كلامه.. وسلاح إيه اللى يطلعوه مين اللى عنده سلاح ده كلام غير منطقي.. وإن كان اللي بيتكلم مجنون فالمستمع عاقل.
