أبويا مات وسابنا على الحديدة واشتغلت منجد وويتر قبل الغناء.. أبرز تصريحات علي قدورة بعد اعتزاله
تحدث مطرب المهرجانات المعتزل علي قدورة عن تفاصيل برنامجه الجديد، المقرر عرضه أسبوعيًا عبر موقع الفيديوهات الشهير يوتيوب، كاشفًا تفاصيل أكثر عن طفولته حتى إعلان اعتزاله الفن.
أبرز تصريحات على قدورة
ونستعرض لكم في هذا التقرير أبرز تصريحات على قدورة في أولى حلقات برنامجه الجديد:
-والدي كان شغال منجد في إسكندرية.. وتعرضنا لأزمة مالية عام 2006 واشتد المرض عليه وتوفى.
-اشتغلت بعد وفاة والدي عند صديقه منجد لأنه كان سايبنا على الحديدة وكنت بساعد مع والدتي في المصاريف.
-أنا وأخواتي كنا متفرقين بسبب أننا من زيجات مختلفة، ولاقيت نفسي مع الوقت من الدلع بروح في حته تانية.
-طول عمري بكره لفظ اليتيم.. ودخلت صنايع على الرغم إني كنت شاطر بس علشان مكنش في فلوس.
-أول من اكتشف موهبتي أصدقائي وأول كلمة اتقالت ليّ أنت نجم.
-عملت مهرجان أنا وصحابي في البداية وكنا بنروح أفراح بدون مقابل.
-لما كنت بشتغل أنا وخالي في التنجيد حسيت أن القطن ملى صدري ومش قادر أشتغل، واتخنقت من أي صنعة واتجهت للأغاني.
اعتزال علي قدورة
وأعلن علي قدورة اعتزاله الفن نهائيًا، في وقت سابق، عبر حسابه الشخصي بمواقع التواصل الاجتماعي، حيث نشر صورة من أمام الكعبة، ظهر من خلالها بملابس الإحرام، وعلق عيلها: السلام عليكم في يوم جمعة مبارك.. أنا علي عبد القادر السيد، الشهير بـ علي قدورة، كنت مغني قبل النهاردة، في حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي.
وأضاف علي قدورة: أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ويارب سامحني عن أي حاجة أنا عملتها في حياتي أو أي حاجة صدرت مني.
