علا غانم: لا أمانع من تقديم مسيرتي في عمل فني.. وكنت محتاجة أحس بحب الجمهور بعد أزمتي
أعربت الفنانة علا غانم، عن استعدادها لتقديم مسيرتها الفنية، وحياتها الشخصية في عمل فني، بجانب حديثها عن فترة غيابها عن الجمهور.
وقالت علا غانم في تصريحات تلفزيونية: معروض عليا أقدم مشواري الفني وحياتي في عمل فني، ولو هيتكتب بشكل يليق وفيه كل التفاصيل أنا مش هبخل على جمهوري أبدًا إننا نعمل حدوتة حقيقة.
وأضافت علا غانم: أنا بعدت 7 سنين، وكنت عايزة أحس بحب الجمهور ليا، خاصة إني من الممثلين اللي قليل أوي حد يقولي برافو علشان خايفين أن ده يأثر على آدائي كممثلة، عايزين يحتفظوا بيا كممثلة، ورد فعل الجمهور فاق توقعاتي وكنت فاكرة إني لما هبعد أعمالي هتبعد معايا ولكن مفيش شهر بيعدي إلا وعمل بيتعرض على الشاشة، وده بيدل على أن الجمهور بيحبني، وأنا حقيقي مقدرة حب الجمهور وأوعده أن اللي جاي أحسن كتير.
علا غانم: أنا محاطة بالأكاذيب وبمر بمرحلة مش حلوة
وفي وقت سابق، كشفت الفنانة علا غانم تطورات أزمتها مع طليقها رجل الأعمال عبد العزيز حسن، إذ قالت في تصريحات تلفزيونية: كل اللي أقدر أقوله إني بمر بمرحلة مش حلوة أبدًا، ومحاطة بـ أكاذيب وفيلم غريب وكل المشاكل اللي عندي دخلت للقضاء وواخدة خطوات في سكة سليمة، وثقتي في القضاء وفي نزاهة قضاء بلدي ثقة عمياء، ولكن الوقت طويل شوية بس الحمد لله خدت من حوالي أسبوع أولى خطواتي في استرداد بيتي.
