شيخ يحكي مواقف نبيلة لـ الفنان محمد سلام: جواه خير كتير ويظل في المسجد حتى إغلاقه
أثار موقف محمد سلام الرافض للمشاركة في مسرحية كوميدية تعرض بالسعودية، بالتزامن مع الأحداث التي يعيشها أهالي غزة من انتهاك وإبادة جماعية، دعم وإعجاب الجمهور المصري والعربي بشكل كبير، ليتبين أن هذه المواقف الباسلة لم تكن غريبة عن سلام.
مداوم على الصلاة
وقال الشيخ محمد السموجي مدحًا في محمد سلام: كلمة حق، اتعرفت على محمد في بداية 2019 تقريبًا، ولفت نظري مداومته على الصلاة، محبته للجلوس في المسجد للشروق وقبل صلاة المغرب.
وأضاف الشيخ محمد عبر منشور على حسابه الشخصي على فيسبوك: أوقات تانية كتير لا يترك المسجد إلا لو كنا هنغلقه، وده بالنسبة لي كان غريب إن في حد في المجال ده بيحاول يقرب من ربنا بالطريقة دي.
وأيقن الشيخ محمد أن الفنان سلام يمتلك الكثير من الخير، وأوضح: جواه خير كتير جدًا ومن هنا بدأت علاقتنا تزيد، وأيام غلق المساجد لقيته بيكلمني اتصال في شهر رمضان، وبيقول لي: إنت فين علشان عايزين نصلي التراويح؟ فقلت له إن المساجد مقفولة فقال لي هنصلي في البيت وفعلًا صلينا التراويح والتهجد عنده وده بين لي أد إيه سلام متعلق بالصلاة والقرآن.
وأوضح أنه في أحد المرات أحضر بنته وكان الجو باردا جدًا في صلاة الفجر، وقال له: يا شيخ محمد عايزها تتعود على الصلاة.
وتابع الشيخ محمد: لما كنا نتكلم مع بعض في حاجة دينية كان بيبقى مهتم جدًا بالكلام وكأنه عنده فيه امتحان، ومواقف تانية كتير خلتني أعرف إن سلام مختلف عن البقية ولذلك لم استغرب موقفه الأخير؛ لأن ده سلام اللي المقربين منه يعرفونه جيدا.
