بلطجة ومخالفات جسيمة.. مرتضى منصور يفجر مفاجآت داخل نادي الزمالك | فيديو
قال مرتضى منصور في بث مباشر خاص عبر القاهرة 24، إن نادي الزمالك في أسوأ مراحله، وليست هناك إجراءات قانونية سليمة، مشيرا إلى أن كل إجراءات انتخابات الزمالك باطلة.
مرتضى منصور يفجر مفاجآت داخل نادي الزمالك
وأضاف مرتضى منصور، أن رئيس لجنة الانتخابات التي جرت بتاريخ 20 أكتوبر 2023، ظهر في الفيديو وأمسك بالمايك وهو يقول: يا حسين يا لبيب لو مطلعتش البلطجية اللي أنت جايبهم دول هوقف الانتخابات، ومطلعهومش برضو.
وتابع مرتضى منصور: اللي بيحصل في نادي الزمالك زي غزة بالظبط، قالوا إنهم بقالهم 6 شهور بيجهزوا الملفات الخاصة بالتهرب من الضرائب وغيرها لكن محصلش، فين بقى الملفات؟
وتابع مرتضى منصور: مفيش إجراءات سليمة بتمشي في نادي الزمالك، وكل إجراءات انتخابات الزمالك باطلة؛ لأنهم بلطجوا على أعضاء نادي الزمالك وضربوهم، وعلى لجنة الانتخابات، رئيس لجنة الانتخابات كان في الفيديوهات بيقول يا حسين يا لبيب لو مطلعتش البلطجية اللي أنت جايبهم دول هوقف الانتخابات، ومطلعهومش.
وأضاف: حسين لبيب جاب 2000 بلطجي من الألتراس في انتخابات الزمالك، عندي موظفة اسمها إيمان بتقول لرئيس اللجنة على المنصة: نجح دا دا غلبان صرف فلوس كتير.
وتابع مرتضى منصور: استبعدوا أكتر من 25 ألف من أعضاء النادي من التصويت في الانتخابات، وازاي حسين لبيب أخد 15 ألف، الانتخابات مزورة وكل المستندات مزورة.
واستكمل مرتضى منصور: حابب أقول لأهل غزة في ناس كتيره معاكم، وربنا معاكم، وأنا واحد من الناس اللي بعمل كل اللي أقدر عليه تجاههم، وبقول لنتنياهو لو أطولك هقتلك، لإني سبق وبعتله تيليجراف رسمي وقت افتتاح السفارة الإسرائيلية بمصر: أنت جاي تلوث تراب مصر ولو أطولك هقتلك.
وحضر مرتضى منصور اليوم في مجلس الدولة الطعن المقام من ماجد فاروق عبد الجواد الحنبلي المحامي بالنقض وعضو الجمعية العمومية لنادي الزمالك والمرشح على مقعد رئيس نادي الزمالك في الانتخابات الماضية التي أجريت بتاريخ 20 أكتوبر 2023، وأحمد محمد عبد الغني عبد الرازق وعضو الجمعية العمومية لنادي الزمالك والمرشح على مقعد نائب رئيس النادي في الانتخابات الماضية، واللواء محمود سامي عبد الوهاب محمود نور الدين عضو الجمعية العمومية لنادي الزمالك والمرشح على مقعد العضوية فوق السن في الانتخابات الماضية.
وأكمل مرتضي منصور: الالترس بيبلطج على الاعضاء وضربوا هشام يكن والحسيني سمير والدكتورة مرفت، وازاي 2000 واحد يدخلو النادي من الالترس، لدرجة أن رئيس اللجنة قال ياحسين يالبيب لو مطلعش البلطجية بتوع الالترس اللي انت جايبهم دول انا هلغي الانتخابات، ومطلعهمش ودخلو كسروا كل حاجة جوة.
وواصل: في بند صريح ان الانتخابات سرية، وازاي اللجنه تستبعد اكتر من 32 الف واحد ليهم حق التصويت بحجة عدم تسديد الاشتراكات.
وحضر مرتضى منصور اليوم في مجلس الدولة الطعن المقام من ماجد فاروق عبد الجواد الحنبلي المحامي بالنقض وعضو الجمعية العمومية لنادي الزمالك والمرشح على مقعد رئيس نادي الزمالك في الانتخابات الماضية التي أجريت بتاريخ 20 أكتوبر 2023، وأحمد محمد عبد الغني عبد الرازق وعضو الجمعية العمومية لنادي الزمالك والمرشح على مقعد نائب رئيس النادي في الانتخابات الماضية، واللواء محمود سامي عبد الوهاب محمود نور الدين عضو الجمعية العمومية لنادي الزمالك والمرشح على مقعد العضوية فوق السن في الانتخابات الماضية.
كما جاء أيضا، عن محمد إبراهيم السيد رجب عضو الجمعية العمومية لنادي الزمالك ومدير تحرير الأخبار، وإيهاب جاد محمد الفولي عضو الجمعية العمومية لنادي الزمالك ومدير تحرير المصري اليوم، وإيهاب عبد القادر الخولي المحامي بالنقض وعضو مجلس النواب السابق وعضو الجمعية العمومية لنادي الزمالك، وجمال عبد الكريم سيد إبراهيم المحامي بالنقض وعضو الجمعية العمومية لنادي الزمالك.
