أميرة العايدي عن أحداث غزة: والدتي فلسطينية ودخلت في حالة اكتئاب.. ومفيش دين يقبل باللي بيحصل
أعربت الفنانة أميرة العايدي عن استيائها لما يحدث لأهالي غزة، على يد الكيان الصهيوني، والذي أسفر عن استشهاد وإصابة آلاف المدنيين من الأطفال والنساء وكبار السن.
وقالت أميرة العايدي خلال تصريحات خاصة لـ القاهرة 24، إن ما يحدث لأهالي غزة يُعد إبادة جماعية، معلقة: مفيش إنسانية ولا شرع ولا دين ولا أي حاجة في الدنيا تقبل اللي بيحصل على يد الكيان في الأطفال والنساء، دي أرواح بريئة ملهاش ذنب في أي حاجة.
وتابعت أميرة العايدي: أنا والدتي فلسطينية عشان كده حاسة بالأحداث جدًا.. وفي حالة إكتئاب شديدة بسبب اللي بيحصل في فلسطين.
أميرة العايدي تكشف رأيها في تقديم الأعمال الفنية الحالية
وعلى جانب آخر، تحدثت أميرة العايدي عن الفرق بين الفن في الوقت الحالي وسابقًا حيث أوضحت: في فرق كبير جدًا لأن دلوقتي في رواد السوشيال ميديا بقى الفن أسرع، وأي حد يقدر يعمل فيديوهات بتجيب ناس ومشاهدات، وممكن ينام يصحى يلاقي نفسه في حته تانية خالص وعنده متابعين ومشهور.
وتابعت أميرة العايدي: الفن زمان كان بيبقى في مجهود كبير جدًا علشان يوصل للناس العمل، وعقبال ما العمل يينزل ويتشاف ويتم تقييمه، في فرق كبير دلوقتي في ثانية الناس كلها بتشوفك، فبصراحة دلوقتي سهل إن حد يدخل المجال الفني، وسهل إن حد يطلع بس المقياس هيفضل هو موهوب ولا لأ.
