آسر ياسين: رفضت أدوار المُدمن بعد فيلم زي النهارده.. وشماريخ شبه أفلام عادل إمام وأحمد زكي
كشف الفنان آسر ياسين سبب قبوله لفيلم شماريخ، والذي تشاركه بطولته الفنانة أمينة خليل، ومن إخراج عمرو سلامة.
وقال آسر ياسين خلال تصريحاته في مؤتمر فيلم شماريخ، على هامش فعاليات مهرجان البحر الأحمر بجدة: من ساعة ما بدأت وأنا مركز في حتة اختلاف الأدوار وحاولت في الأول خالص إني مشتغلش مع نفس المخرج كتير، وأتعامل مع ناس مختلفة وأتعلم مدارس إخراج جديدة.
وتابع آسر ياسين: مثلًا لما جسدت دور مدمن مع عمرو سلامة في فيلم زي النهاردة زمان، بعده اتعرض عليا دور مدمن تاني بس رفضته لفترة طويلة جدا، لحد ما عملته تاني في فيلم أسوار القمر، بس كان ظروفه مختلفة وتناول الشخصية كان بشكل مختلف، بس بالنسبالي كل دور عملته مختلف عن اللي قبله.
آسر ياسين: فيلم شماريخ شبه أفلام عادل إمام وأحمد زكي
وأضاف آسر ياسين: بحاول أعمل الدراما والأكشن والكوميدي، ولو في نوع أنا لسه معلمتوش هبقى عايز أعمله عشان الموضوع ده بيبقى فيه اكتشاف، وبالنسبة لفيلم شماريخ، أول ما عمرو بعتلي آخر مسودة لقصة فيلم شماريخ، حبيت جدا القصة والعلاقة والشخصية والرحلة اللي هو بيخوضها هو والبطلة، وحسيت إن الفيلم فيه حاجة من الأفلام اللي إحنا اتربينا عليها، أفلام عادل إمام وأحمد زكي.
فيلم شماريخ
يضم فيلم شماريخ عددا من الفنانين، أبرزهم الفنان آسر ياسين، أمينة خليل، آدم الشرقاوي، الراحل مصطفى درويش، وآخرين، والعمل من إخراج عمرو سلامة.
فيلم زي النهاردة
عرض فيلم زي النهاردة في عام 2011، وشارك في بطولته كل من الفنان آسر ياسين، بسمة، مها أبو عوف، أحمد الفيشاوي، وغيرهم، والعمل من تأليف وإخراج عمرو سلامة.
