ابنة ضحية خناقة سلايف البحيرة: بتجُر شكل والدتي وبتعمل مشاكل معاها لحد ما موتتها
يستكمل القاهرة 24 نشر التحقيقات في القضية رقم 582 لـ سنة 2023 جنايات كوم حمادة، المتهمة فيها سيدة بالتعدي على زوجة شقيق زوجها -سلفتها- بالضرب وإصابتها بـ جلطة بالذراع اليمنى، والتسبب في دخولها العناية المركزة؛ ما أدى إلى وفاتها، حيث ننشر أقوال ابنة المجني عليها أمام جهات التحقيق.
التحقيقات في خناقة سلايف بالبحيرة
وقالت ابنة المجني عليها أمام جهات التحقيق: هي كانت مغمى عليها ومش بتنطق وكانت عندها جلطة ولسانها واقف وهي طول ما هي كانت محجوزة في المستشفى مكنتش بتطلق وهي كانت عندها جلطة ولسانها واقف وفضلت في المستشفى حوالي أربعين يوم من يوم الواقعة واتوفت وأنا بتهم المدعوة ع. ا.
وأردفت ابنة المجني عليها أمام جهات التحقيق: أنا بتهم زوجة عمي بالتعدي بالضرب على والدتي الله يرحمها مما أدى لحدوث إصابتها التي ترتب عنها تدهور حالتها الصحية ووفاتها، وده هو اللي حصل وهي بقالها فترة بسبب المشاكل العائلية كل شوية بتعصب والدتي الله يرحمها.
وأضافت ابنة المجني عليها: هي علطول كانت بتكيد في والدتي وبتجر شكلها في البيت، وكذا مرة تفتعل مشاكل معاها في البيت وكانت قصدها إن هي تضربها عمدًا عشان والدتي الله يرحمها كانت جاية بتحوش عني لما لقتها بتضربني وبتعضني.
وأشارت ابنة الضحية بالتحقيقات إلى: أنا مكنتش حاضرة ساعة لما كانت بتضرب لكن أنا سمعت من أختي نورا إن المشكو في حقها ضربت والدتي بالقلم على وشها وزقتها على الأرض وقعدت تشتم فيها.
