الإعلامية نجوى إبراهيم تعلن تعافيها من السرطان: جت كده من عند ربنا
أعلنت الإعلامية نجوى إبراهيم، الشهيرة بـ ماما نجوى، تعافيها من إصابتها بالسرطان، معلقة: جات كده من عند ربنا.
وقالت نجوى إبراهيم، خلال تقديمها برنامجها بيت العز، المذاع عبر إذاعة نجوم FM: فرحانة ومبسوطة الحمدلله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهارده لسة وجه جديد معاكم.
وتابعت نجوى إبراهيم: أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد.
سبب انهيار نجوى إبراهيم
وعلى جانب آخر، أكدت نجوي إبراهيم أنها دخلت في حالة انهيار بسبب الدعوات التي وصلت لها بعد تصريحاتها عن إصابتها بالسرطان، حيث قالت خلال البرنامج الإذاعي بيت العز: حسيت إني غلطت جدًا لما اتكلمت وكلامي مكنش شكوى ولما روحت قعدت يومين أعيط من الدعوات اللي وصلتني، ده أنا لو هيقطعوا إيدي متهيالي مش هتقطع من كتر الدعوات فعلًا رب ضارة نافعة.
وحول إصابتها بالسرطان، ردت نجوى إبراهيم: قعدت أقول ليه أنكد عليكم؟ ما كل واحد فيه اللي مكفيه، وليه أطلع أقول كده؟، ما أنا بقالي شهرين بجري في موضوع مرضي مع ولادي وعيلتي.
وفي سياق آخر، تواصلت القاهرة 24، مع الإعلامية نجوى إبراهيم، من أجل طمأنة الجمهور عليها بعد حديثها عن مرضها بالسرطان وخضوعها لكثيرة من العمليات، حيث قالت في تصريح لـ القاهرة 24: أنا الحمد لله كويسة وبخير.
