نيقولا معوض: استخدام الذكاء الاصطناعي بقى مغري وخلانا نفتقد مناقشة المواضيع الاجتماعية في السينما
تحدث الفنان نيقولا معوض عن رأيه في السينما الحالية والمواضيع التي تطرحها، وعن أحب المخرجين لقلبه، معلقًا: بحب أفلام محمد خان وهو موسوعة كبيرة.
وقال نيقولا معوض في تصريحات إذاعية: نفسي أشوف في السينما مواضيع اجتماعيه أكتر، لأن الذكاء الاصطناعي بقى مغري أكتر في الأعمال واستخدام الـ vfx، ولكن السينما اللي بتعيش هي اللي بتدخل عمق البني آدم آخر مرة شوفنا فيها أفلام حلوة كانت في 2008.
وأضاف نيقولا معوض: ومش بتكلم بس عن السينما العربية وكمان سينما هوليود، مبقاش في عمق وحقيقه وعلاقات إنسانية بتنوري عليها من خلال السينما، ده اللي السينما مفتقداه ونفسي الناس تشوف الإبهار في القصة مش في المؤثرات البصرية.
وعن أحب المخرجين له، أوضح نيقولا: بحب أفلام محمد خان جدًا وقابلته في مهرجان بيروت وهو موسوعه كانت قاعده جنبي.. وأنا بشحن طاقتي من حضوري للمهرجانات والأفلام وورش التمثيل والـ master classes.. وفي كل المهرجانات بحب اتعرف على مخرجين جدد لأنهم بيكونوا اكتشاف.
آخر أعمال نيقولا معوض
يصور نيقولا معوض خلال الفترة الحالية مسلسل الحشاشين بطولة الفنان كريم عبد العزيز، ويضم العمل عدد كبير من النجوم أبرزهم: سوزان نجم الدين، ميرنا نور الدين، أحمد عيد، عمر الشناوي، فتحي عبد الوهاب، وعدد آخر من الفنانين، والمسلسل من تأليف عبد الرحيم كمال وإخراج بيتر ميمي، وتدور أحداثه حول جماعة الحشاشين.
