دمر الزمالك بالسحر.. ننشر تحقيقات اتهام مرتضى منصور لـ رجب بحة في واقعة الأعمال السفلية| خاص
حصل القاهرة 24 على تقرير الهيئة الوطنية للإعلام القسم الهندسي في البلاغ المقدم من المحامي محمد رشوان دفاع رجب بحة، ضد المستشار مرتضى منصور رئيس نادي الزمالك السابق، واتهامه بالتشهير بموكله على مواقع التواصل الاجتماعي، وادعائه بإجراء سحر لنادي الزمالك مما تسبب في خسارة النادي بعدة مباريات.
تحقيقات مرتضى منصور ورجب بحة
وذكر التقرير أن مرتضى منصور خرج في تصريحات وأظهر هاتف محمول تظهر عليه صورة شخص مكتوب عليها صورة الساحر رجب محمد محمد مشيب بحة.
وتابع التقرير أن مرتضي منصور قال خلال تصريحات على مواقع التواصل: مش محتاج نقول عليه ساحر مش محتاج واضح ويقرأ ما هو مكتوب على الصورة هذا الساحر مدمر الزمالك بإصابات اللاعبين وتطفيشهم، منين بقى أهو من الفيوم مينا الحيط بلد الواد سيد ممكن حد من الفيوم يقولي مفيش بلد بالاسم ده، أو حد بالاسم ده أهو ده جاره اللي باعت لي على فكرة".
مرتضى منصور والسحر والشعوذة
واستطرد التقرير أن الفيديو الثاني ظهر مرتضى منصور فيه قائلا: الناس فاكراني بكذب ده الدجل طلع ومن نفس القرية هو في حد بيعمل سحر هيقول أنا بعمل سحر هو سيد عبد الحفيظ مطعلش ليه نفى، حد يقولي خدوا بقى المفاجأة في حوار متصور مع عادل سالم اللي مبلغ عن بحة، وقال أنا بخدم الزمالك وبخدم رئيس النادي ابن عم بحة، وأن الواد ده أبوه كان مات وراح بات في الترب طلع ركبوه جنون، اللي قالنا إمام عاشور هيمشي من النادي السنة اللي فاتت وهيروح الأهلي والزمالك هيتغلب 4 واللي هيجيب الأجوان، لسه حد بيتريق طب ما نسمع بقى الأسطورة أول واحد اكتشف بحه".
وكانت قررت جهات التحقيق في وقت سابق بإحالة البلاغ المقدم إلى النائب العام ضد مرتضى منصور رئيس النادي الزمالك السابق لاتهامه بسب وقذف رجب بحة والتشهير به على مواقع التواصل الاجتماعي، وادعائه بإجراء سحر لنادي الزمالك، للتحقيق والفحص.
واردف رشوان في تصريحات لـ القاهرة 24، أن تم إحالة بلاغ رجب بحة إلى نيابة شمال الجيزة، للتحقيق ومن المنتظر استدعاء المجني عليه رجب بحة لسماع أقواله في بلاغه ضد مرتضى منصور.
