الإعلامية أميرة عبد العظيم تكشف موعد ومكان عزاء شقيقها
أعلنت الإعلامية أميرة عبد العظيم موعد ومكان عزاء شقيقها أسامة، الذي توفي منذ قليل بعد صراع مع المرض.
وقالت أميرة عبد العظيم في تصريح خاص لـ القاهرة 24، إن العزاء سوف يكون على المقابر بطريق الفيوم بعد صلاة العصر.
وكتبت أميرة على حسابها الرسمي بـ فيس بوك منشورًا، معلقه: أخويا أسامة في ذمة الله، ولم تعلن سبب الوفاة.
وفي سياق آخر، تحدثت الإعلامية أميرة عبد العظيم عن علاقة المرأة بزوجها، مشيرة أنها تسير على الثوابت القديمة.
وقالت أميرة عبد العظيم في تصريحات تليفزيونية: الست لما تتجوز تسيب حريتها على باب البيت، بسمع بعض الآراء بتستفزني كـ ست، زي إن الست من حقها تخرج وتبات برا البيت من غير إذن جوزها، مفيش حاجة اسمها كده، الراجل ميعاملش ده، هو في راجل هيخرج ويبات برا من غير ما يقول لـ مراته؟ ده عبث.
وأضافت أميرة: أنا طلعت لقيت أمي بتعامل أبويا بطريقة محترمة جدًا، وأنه يلاقي أحلى حاجة على السفرة، وتقول لنا مش عاوزة أسمع صوت، فبقيت أعمل ده وممكن يقولوا عليا دقة قدمة، لكني بعمل الأصول، وزوجي له حقوقه وواجباته ومش معنى إني ضعيفة أو أني بتعامل بالثوابت أبقى خاضعة ومستكينة، لكن لو الزوج اللي معاكي سوي وما عندوش عقد، وبيدكي عينه يبقى تاج راسي، وأنا بشوف إن جوزي لازم يكون باشا.
