نورين شحاتة تناقش ظاهرة اللا إنجابيين في البيه والهانم | فيديو
ناقشت الإعلامية نورين شحاتة ظاهرة اللا إنجابيين في برنامجها البيه والهانم، الذي تقدمه مع الإعلامي ممدوح الشناوي عبر شاشة القاهرة والناس.
وقالت نورين شحاتة في مقدمة البرنامج: فيه ناس بتقرر أنها ما تخلفش أبدًا، وبيحاولوا ينشروا الفكرة على السوشيال ميديا ويقنعوا الناس أنها ما تخلفش لما تتجوز، وكأن الناس عارفة الغيب ولكن إحنا عايشين بالإيمان وبكره بتاع ربنا والحاضر بتاعنا والماضي حاجة بنتعلم منها، إزاي قرروا يفكروا في المستقبل.
من ناحيته قال ممدوح الشناوي: اللا إنجابيين بيحطوا الفكرة دي في دماغ الناس، شايفين إن ده الصح، وبيقولوا ليه أجيب ولد ما سألنيش أجيبه ولا لأ، وأنه ممكن يكون عاوز يتولد في مجتمع غربي أو مجتمع تاني مش بتاعنا، طيب ماله مجتمعنا ومالها حياتنا، إحنا اتبسطنا واتولدنا وسقطنا ونجحنا وشغالين مذيعين أهو وما قلتش لأبويا ليه خلفتني ولا لأمي ليه خلفتيني.
واستضاف برنامج البيه والهانم الكاتب الصحفي سليم صفي الدين والكاتبة الصحفية شيماء زين، اللذان يدعمان فكرة اللا إنجابيين، وحاورهما كل من نورين شحاتة وممدوح الشناوي وعرضا وجهات النظر المختلفة حول الموضوع.
برنامج البيه والهانم
يُذكر أن برنامج البيه والهانم، تقدمه الإعلامية نورين شحاتة مع الإعلامي ممدوح الشناوي، وهو برنامج اجتماعي يتناول كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
