البلوجر هدير عاطف في التحقيقات: بلال جوزي حول بيتنا لشركة استثمارات والفلوس كانت بتتحول على حساباتي | خاص

يواصل القاهرة 24 نشر التحقيقات في قضية هدير عاطف، والمتهمة مع 3 آخرين وهم طليقها بلال وشقيقة طليقها هاجر، وزج الأخيرة ويدعى تامر، بتهمة النصب والاحتيال على المواطنين، وتلقي أموال منهم بحجة تشغيلها في العقارات والسيارات والبورصة، بأرباح تصل إلى 200%، وامتناعهم عن سداد الأرباح أو رد الأموال، الأمر الذي دفع الضحايا للتقدم ببلاغات بأقسام الشرطة، فتم القبض على هدير عاطف والباقين في ديسمبر الماضي، وإحالتهم إلى النيابة العامة التي تجري التحقيق معهم حتى الآن.

تحقيقات قضية البلوجر هدير عاطف

اعترافات هدير عاطف في التحقيقات تضمنت علاقة العمل التي تربطها بالمتهم بلال والمتهم تامر والمتهمة هاجر، وقالت: هما شغالين في الاستثمار العقاري والسيارات والبورصة وبلال جوزي عمل نشاط استثماري ومخلي البيت بتاعنا مكتب لممارسة نشاطه، وطبيعة عملهم عبارة عن شركة استثمار في مجال العقارات والسيارات والبورصة، ومفيش شركة مسجلة، لكن بلال كان بيعمل إعلان عن طريق صفحته على إنستجرام.

وجاء في اعترافات البلوجر هدير عاطف: ما تمش تسجيل شركة في السجلات عشان يمارسوا نشاطهم في التجارة، لكن كانوا بيشتغلوا عن طريق الإعلان على صفحة زوجي بلال على الإنستجرام، والصفحة اسمها بيلي ديب، وكانت عبارة عن إعلانات عن الاستثمار في العقارات والسيارات والبورصة بعائد شهري كبير متفارق النسب، والمنشورات دي كانت من 6 أو 7 شهور، وبلال هو المسئول عن نشر الحاجات دي وهو جوزي، والمنشورات دي كانت على حسابه علي إنستجرام وعبارة عن إن من يرغب في الاستثمار في العقارات والسيارات والبورصة والحصول على عائد شهري كبير يتواصل على أرقام هواتف من ضمنها رقم تليفوني، والرقم بتاعي عشان بيستخدمه عشان العملاء يحولوا فلوس عليه على فوادافون كاش وفيه أرقام ثانية هاجر اللي عارفها هي وتامر.

وأضافت البلوجر هدير عاطف في اعترافاتها: أنا كنت على علم باستخدام رقمي عشان يبعتوا عليه الفلوس، لكن مكنتش على علم بطبيعة النشاط اللي بيمارسه بلال تحديدا، لكن التواصل مع العملاء كان بيتم عن طريق الاستوري اللي بيعملها على الإنستجرام وبيتصلوا على أرقام هواتف بتاعت الشغل بتاعت هاجر وتامر وبيتفقوا على الفلوس وعلى الأرباح.

وأكملت هدير عاطف: بلال بالفعل كان بيتلقى فلوس من العملاء بعد الإعلانات، وفي ناس كانت بتجيله البيت وبتديله فلوس وفيه ناس بتحول على فودافون كاش وكان بيستخدم رقم الهاتف اللي قولت عليه عشان الناس تحول عليه وكان فيه ناس بتحوله على حسابي الشخصي في البنك الأهلي، عشان يستثمرها في العربيات والعقارات والبورصة ويدي للناس أرباح شهرية وهو فعلا كان بيستثمرهم وخاصة في البورصة، وأنا معرفش بالظبط تلقى قد إيه وهو كان بيتعامل وأنا اتحولي على البنك من 300 لـ 500 ألف جنيه وعلى فودافون كاش مش قادرة أحدد بالظبط.

يذكر أن البلوجر هدير عاطف المتهمة الأولى في القضية، طٌلقت من المتهم الثاني بلال، قبل يومين من القبض عليها، وأدعى آخرون خبر وفاة طليقها حتى يتمكن من الهرب والملاحقة الأمنية، لكنه سقط في قبضة الشرطة عقب القبض على طليقته هدير عاطف بـ 24 ساعة.