اتنصب عليا في 2400 دولار.. منة فضالي تكشف تفاصيل تعرضها للسرق في تركيا
تعرضت الفنانة منة فضالي للسرقة أثناء وجودها في إسطنبول على يد رجل يدعى عبود عراقي الجنسية، مشيرةً إلى أنه يمتلك شركة لتأجير السيارات في إسطنبول، ورفض استرداد مبلغ 2400 دولار، بعد المعاملة السيئة التي تلقتها من أحد السائقين الذين يعملون لديه.
منة فضالي تتعرض للسرقة
وشاركت منة فضالي متابعيها صورة لـ عبود، الذي نصب عليها عبر حسابها الشخصي بموقع انستجرام، وعلقت عليها قائلة: الراجل ده نصب عليّا وأخد 2400 دولار، عنده شركة تأجير سيارات في إسطنبول ورفض يرجعلي فلوسي، خلو بالكم جنسيته عراقي اسمه عبود شركة جرين جروب.
تفاصيل تعرض منة فضالي للسرقة
وعن تفاصيل تعرضها للسرقة، نشرت منة فضالي، مقطع فيديو كشفت خلاله تفاصيل تعرضها للسرقة، عبر حسابها الشخصي بموقع إنستجرام، قالت به: الراجل ده اتعاملت معاه السنة اللي فاتت، وكان كويس جدًا، والسنة دي طلب فلوس مقدم قًلت له تمام، ودفعت الفلوس على مدة 18 يوما في إسطنبول، وجبلي السواق كان معاملته سيئة مع والدتي، وأنا والدتي عاجزة بتكون محتاجة حد يساعدها لأنها بتمشي على عكاز.
وأضافت منة فضالي: طلبت منه تيغير السواق، ولكنه رفض، قال: ده اللي موجود وأنا مش فاضي، قُلت له، طب أنا مش عايزة العربية، ورجع باقي فلوسي، كل شوية يقول لي أنا مش موجود ومسافر، ورفض يرجع لي فلوسي.
استكملت منة فضالي: قدمت شكوى ضده، أنا عارفة إن فلوسي راحت؛ لأنه بيقولي ملكيش عندي حاجة، وحسبي الله ونعم الوكيل فيه، أنا مش بحب حد يتأذي، أنا بتكلم علشان فيه ناس كتير بتتعامل معاه ونفس الحركة عملها مع الأستاذ جورج قرداحي، يا ريت الناس تاخد بالها.
